Календарь событий

ХЬЭМИД гъуазджэм къыщигъэщI дунейм утеп­сэлъыхьынуи и купщIэр зэпкърыхыпхынуи яужь ущIихьэн щыIэкъым. ТIум щыгъуэми абы и лъагагъым улъэIэсыфынукъым. Псалъэ гъущэхэм абы и къэгъэщIыгъэхэр ягъэлъэхъшэн фIэкIа фIагъ лъэпкъ къы­хуахьынукъым. Апхуэдэ гъуазджэр уи нэкIэ плъагъун, псэкIэ зыхэпщIэн хуей къудейуэ аращ, абы нэгъуэщIу упэ­лъэщынукъым. Телъыджэ дыдэщ сэ слъэгъуар, зыхэс­щIар. Ар си лъэпкъым и гъыбзэщ…
ТЕМЫРКЪАН Юрий,
 Санкт-Петербург и къэрал филармонием
и Академическэ симфоние оркестрым
и художественнэ унафэщI.

Белоруссием и къэрал кIуэцI Iуэхухэм хэIэбэну зыри хуиткъым

УФ-м и Президент Путин Владимир иригъэкIуэкIащ къэралым ШынагъуэншагъэмкIэ и Советым зэпымыууэ хэтхэм я зэIущIэр. Абы зыщытепсэлъыхьахэм ящыщщ Белоруссием щыщыIэ щытыкIэр.

Сабий псоми я деж щIэупщIэшхуэ щызиIэ «Смешарики» урыс мультсериал цIэрыIуэр лъэпкъыбзэ 15-кIэ зэрадзэкIащ икIи къэрал 60-м къыщыдокI. Адыгэ щэнхабзэмкIэ «Адыгэ» фондымрэ «Каракан» телестудием и унафэщI Къущхьэ Оксанэрэ я фIыгъэкIэ иджы ди щIэблэм Iэмал яIэщ абы адыгэбзэкIэ еплъыну.

«Удзыпэ тхьэлъэIу» фIищащ уса­кIуэ Къуныжь ХьэIишэт и тхыгъэ къы­хэщыпыкIахэр зэрыт тхылъым. Абы щызэхуэхьэса усэ­хэмрэ поэмищым-рэ гъуджэм хуэ­дэу къощ уса­кIуэм и псэр, сатыр къэс къыдоджыкI ар зэ­рынабдзэгуб­дзаплъэр.

КъБР-м щIэныгъэмкIэ щIыхь зиIэ и лэжьакIуэ, экономикэ щIэныгъэ­хэм я доктор, профессор Щоджэн БетIал Iэмин и ­къуэр Урысейм естественнэ щIэныгъэхэмкIэ и Академием и действительнэ член хъуащ иджыблагъэ.

Адыгэ усыгъэм зи лъагъуэ ­бгъуфIэ щыпхызыша лирик гъуэ­зэджэхэм ящыщщ Къэрэшей-Шэрджэсым и цIыхубэ усакIуэ Нэхущ Мухьэмэд.

СэвкIуий Хьэмид Владимир и къуэр 1964 гъэм ­Къэзахъстаным хыхьэ Джам­бул щIыналъэм къыщалъхуащ. 1979 гъэм и адэ-анэм ягъусэу ар Налшык къэIэпхъуэжащ. Хьэмид зэрымыщIэкIэ сурэт щIыным хуэкIуауэ къэ­зы­лъыти щыIэщ, сыт щхьэкIэ жыпIэмэ, ар а IэщIагъэм щы­дихьэхар Кавказым фIыуэ къыщацIыху монумент гъуазджэм хэлэ­жьыхь сурэтыщI Сындыку Тобий (Анатолэ) и лъэщапIэм щIыхьа иужькIэщ. Арщ­хьэкIэ гъащIэм зэры­мыщIэкIэ зыри къы­зэ­ры­щымыхъум хэт щымы­гъуазэр?!

ЩIэдзапIи  кIэухи иIэкъым

Ди газетым зэрытетащи, Урысейм ХудожествэхэмкIэ академием хэт, профессор, Къэбэрдей-Балъкъэ­рым и цIыхубэ сурэтыщI СэвкIуий Хьэмид «Адыгэ псалъэ» газетым и редакцэм къызэреблэгъар къэдгъэсэбэпри, и творчествэм, мурадхэм, Iэдакъэ­щIэкIхэм теухуауэ упщIэ зыбжанэкIэ зыхуэдгъэзащ.

Илъэс 61-нэ хъуауэ Къэбэрдей-Балъкъэрым и щIыхьыр къэралпсо утыкум щехъумэ «Спартак-Налшык»-м («Автомобилист», «Эльбрус», «Спартак» цIэхэри зэрихьащ). СССР-м футболымкIэ и «Б» классым 1959 гъэм къыщыщIидзауэ абы гъуэгуанэ кIыхь икIи дахэ ирехьэкI, нобэми зыужьыныгъэм и лъагъуэм тетщ. Урысей Федерацэм и чемпион 1965, 1970 гъэхэм хъуащ, къэралым и премьер-лигэм 2006 гъэм хыхьэри, илъэсихрэ ныкъуэкIэ хэтащ, зэхьэзэхуэм ипкъ иткIэ еханэ увыпIэр къыщихьаи кубокым ехьэлIа зэпеуэм и Iыхьэ плIанэм щынэсаи къыхэхуэу. А псоми хэлъхьэныгъэшхуэ хуащIащ ди командэм и капитану щытахэм.