|
Календарь событий
13 августа 2021
13 августа, 2021 - 18:55
Хэт нэхъ насыпыфIэр?
Насыпыр зищIысым цIыхур егупсысын щыщIидзар къэщIэгъуейщ икIи ар зыхалъагъуэри нобэм къыздэсым зэтехуэркъым. Ар куэдкIэ елъытащ цIыхур зыхалъхуа лъэхъэнэм, и щыIэкIэ-псэукIэм. Псалъэм папщIэ, зауэр зи нэгу щIэкIам нэхъ насыпышхуэ дыдэу къилъытэр мамыру псэунырщ. Ар икIи гурыIуэгъуэщ - а гужьеигъуэм къыпхыкIар нэгъуэщI фIыгъуэ мы дунейм щыхуейкъым.
13 августа, 2021 - 18:44
Урысей университетхэм Iэмал псори яIэщ стартапым зрагъэужьын папщIэ. Сыт стартапыр зи щIысыр? Инджылызыбзэм къипхмэ, «startup» - езыгъажьэ, пэщIэдзэ жиIэу аращ. I990 гъэхэм, экономикэр дэхуэхын щыщIидзам къагъэсэбэп хъуащ а Iэмалыр. Стартапыр зы цIыхум къигупсыса Iуэхущ, ахъшэ хэплъхьэу зебгъэужьын хуейуэ. Апхуэдэ коммерческэ проектхэрщ нобэ дунейпсо технологием дылъэщIэзыгъэхьэнури.
13 августа, 2021 - 18:30
«Яндекс»-м иджыблагъэ иригъэкIуэкIа къэпщытэныгъэм ипкъ иткIэ, Урысей Федерацэм и ит жылэхэм я цIэхэм щыщу нэхъ цIэрыIуэхэр, нэхъ кIыхьхэр, нэхъ гъэщIэгъуэнхэр къыхигъэщащ.
КъуажэцIэ нэхъ кIыхь дыдэу Урысейм къыщагъэлъэгъуар Къэбэрдей-Балъкъэрым щыщщ - Кременчуг-Константиновское, ар хьэрф 25-рэ мэхъу. ДыщIыдгъужынщи, Кременчуг-Константиновкэр Бахъсэн щIыналъэм хохьэ, километр зэбгъузэнатIэ 40 мэхъу, цIыху 1300-м щIигъу дэсщ, езы жылэр 1885 гъэм яухуащ.
13 августа, 2021 - 18:15
КъухьэпIэ Кавказым щежэх псыхэм ящыщ зым Щэхъурадж (Чехрак) цIэр зэрехьэ. Ар Лабэ холъэдэж. И къежьэкIэ хъуам ехьэлIауэ еплъыкIэ зыбжанэ щыIэщ.
13 августа, 2021 - 18:00
Иджыблагъэ хъыбар гуапэ къытIэрыхьащ, Жанхъуэтекъуэ щыщ «Дыжьын бзэпсхэр» («Серебрянные струны») ансамблым «Горизонты педагогики» урысейпсо зэпеуэм япэ увыпIэр къыщихьащ.
13 августа, 2021 - 17:55
Къэбэрдей-Балъкъэрым хыхьэ Нартан къуажэм щекIуэкIынущ иджы етIуанэу дунейпсо мыхьэна зыгъуэта «Шэрджэс дерби» шыгъажэ кIыхьымкIэ зэхьэзэхуэр.
Зэпеуэм хыхьэну зи мурадхэм папщIэ ар зэрекIуэкIыну щIыкIэм Адыгэшыр хъумэнымкIэ фондым щыгъуазэ дещI:
I) Жэпуэгъуэм и I-м къыщыщIэдзауэ махуипщIым и кIуэцIкIэ махуэ къэс сыхьэт I2-м къриубыдэу зэпачынущ нэхъ мащIэ дыдэу километри I00.
13 августа, 2021 - 17:55
УФ-м щIэныгъэмрэ егъэджэныгъэмкIэ и министерствэм къызэригъэпэщауэ мы гъэмахуэм екIуэкI "Студент туризм" проектым хэтащ Налшык къалэ дэт ГъуазджэхэмкIэ Кавказ Ищхъэрэ институтым и студенткэ Соповэ Алинэ.
13 августа, 2021 - 16:44
Прохладнэ и Энергетик»-м Элиста щыIэу абы и «Ураланыр» хигъащIэри Ипщэ, Кавказ Ищхъэрэ федеральнэ щIыналъэхэм футболымкIэ я чемпионатым (УФ-м и ещанэ дивизионым) пашэныгъэр щиубыдыжащ. Ар куэдкIэ и фIыгъэщ а зэIущIэм я хьэрхуэрэгъухэм топитI щахудигъэкIыу ди щIалэхэр тезыгъэкIуа Бажэ Амир.
13 августа, 2021 - 13:05
КъБР-м и Iэтащхьэ КIуэкIуэ Казбек шыщхьэуIум и II-м иригъэкIуэкIащ зи чэзу «муниципальнэ сыхьэт» зэIущIэр.
13 августа, 2021 - 12:05
Туризмэмрэ лъахэхутэм ехьэлIауэ къызэрагъэпэщу «Альтаир» зыфIаща щIалэгъуалэ проектым пщэрылъ зыщищIыжа Iуэхухэр зэпигъэунукъым, ахэр иджыри Къэбэрдей-Балъкъэрым щекIуэкIынущ.
Егъэджэныгъэ-узэщIакIуэ къалэнхэр къэзыщта «Альтаир» проектыр «Урысей географие зэгухьэныгъэм» иригъэкIуэкIа зэхьэзэхуэм къыщыхэжаныкIащ, и грантри къихьащ. Проектым къиубыд Iуэхугъуэхэр зыгъэзэщIэнур «Урысей географие зэгухьэныгъэм» хэт «Альтаир» щIалэгъуалэ хасэмрэ Къэбэрдей-Балъкъэрым щыIэ «Ухуэныгъэ» зи фIэщыгъэ жылагъуэ зэгухьэныгъэмрэщ.
|