Махуэгъэпс

ЩэкIуэгъуэм и 27, блыщхьэ

♦Урысей Федерацэм и тенджыз Iуфэ лъэсырыкIуэдзэм и махуэщ

♦1946 гъэм къалъхуащ физико-математикэ щIэныгъэхэмкIэ доктор, КъБКъУ-м и профессор Хьэжы Анатолэ.

♦1951 гъэм къалъхуащ КъБР-м егъэджэныгъэмкIэ щIыхь зиIэ и лэжьакIуэ Дадэ Суфэдин.

♦1957 гъэм къалъхуащ жылагъуэ лэжьакIуэ, ЩоджэнцIыкIу Алий и цIэр зезыхьэ фондым и унафэщI ЩоджэнцIыкIу Леонид.

ЩэкIуэгъуэм и 25, щэбэт

ЦIыхубзхэм залымыгъэ якIэлъызехьэным пэщIэтыным и дунейпсо махуэщ
Урысейм и мамырщIэкъу дзэхэм я махуэщ
Урысейм щагъэлъапIэ пшынауэхэм я махуэр
1935 гъэм СССР-м щагъэуващ «ЩIыхьым и дамыгъэ» орденыр.
1927 гъэм къалъхуащ литературэдж, критик, УФ-мрэ КъБР-мрэ щэнхабзэмкIэ щIыхь зиIэ я лэжьакIуэ Шэвлокъуэ Пётр.
1933 гъэм къалъхуащ тхакIуэ, публицист, АР-м щIыхь зиIэ и журналист ЛIыхъусэжь Хьэжрэтбий.

ЩэкIуэгъуэм и 24, мэрем
Мыщэхуэным и дунейпсо махуэщ
1927 гъэм Москва къыщызэIуахащ Опереттэм и къэрал театрыр.
1956 гъэм КПСС-м и ЦК-м унафэ къищтащ балъкъэр, къэрэшей, къалмыкъ, ингуш, шэшэн лъэпкъхэм я автономиер зэфIэгъэувэжыным теухуауэ.
1947 гъэм къалъхуащ адыгэхэм, Кавказым я тхыдэр зыдж, АР-мрэ КъБР-мрэ щэнхабзэмкIэ щIыхь зиIэ я лэжьакIуэ Половинкинэ Тамарэ.
1966 гъэм къалъхуащ къэбэрдей радиожурналист Гъубжокъуэ Рометэ.

ЩэкIуэгъуэм и 23, махуэку

         ПсыкIэ зэIыпх хъу лэчым и дунейпсо махуэщ

1965 гъэм СССР-м и Кинематографистхэм я союз къызэрагъэпэщащ.

1794 гъэм къалъхуащ адыгэ еджагъэшхуэ, тхыдэдж, филолог, узэщIакIуэ Нэгумэ Шорэ.

1920 гъэм къалъхуащ адыгэ усакIуэ цIэрыIуэ, зэдзэкIакIуэ, щIэныгъэлI КIуащ БетIал.

1947 гъэм къалъхуащ усакIуэ, журналист, зэдзэкIакIуэ Уэрэзей Афлик.

ЩэкIуэгъуэм и 22, бэрэжьей

♦Къуэхэм я дунейпсо махуэщ

♦Урысейм щагъэлъапIэ Психологхэм я махуэр

♦1933 гъэм къалъхуащ мэкъумэш щIэныгъэхэмкIэ доктор, профессор, РАЕН-м и академик, КъБР-м мэкъумэш хозяйствэмкIэ щIыхь зиIэ и лэжьакIуэ Уэлджыр Мушэхьид.

ЩэкIуэгъуэм и 21, гъубж
Телевиденэм и дунейпсо махуэщ
Сэлам зэхэным и дунейпсо махуэщ
Урысей Федерацэм и налог органхэм я лэжьакIуэхэм я махуэщ
Бухгалтерым и махуэщ
1951 гъэм къалъхуащ сурэтыщI-живописец, УФ-м и Художникхэм я зэгухьэныгъэм хэт Маргъущ Анатолэ.

Дунейм и щытыкIэнур
«pogoda.yandex.ru» сайтым зэритымкIэ, Налшык уэшх къыщешхынущ. Хуабэр махуэм градуси 5 - 6, жэщым градуси 2 - 5 щыхъунущ.

ЩэкIуэгъуэм и 20, блыщхьэ

Сабийм и дунейпсо махуэщ
Сабий дохутырым и дунейпсо махуэщ
1942 гъэм къалъхуащ филологие щIэныгъэхэмкIэ доктор, КъБКъУ-м и профессор, ЩIДАА-м и академик Габуние Зинаидэ.
1946 гъэм къалъхуащ КъШР-м, АР-м щIыхь зиIэ я журналист, «Къэрэшей-Шэрджэс» КъТРК-м и адыгэ къудамэм и унафэщIу щыта ЩакIуэ Мусалий.

ЩэкIуэгъуэм и 18, щэбэт

         1917 гъэм къалъхуащ къэрал, жылагъуэ лэжьакIуэ, политик цIэрыIуэ, 1956 -1985 гъэхэм КъБР-м и УнафэщIу щыта Мэлбахъуэ Тимборэ.

         1928 гъэм къалъхуащ тхыдэ щIэныгъэхэмкIэ кандидат, КъБР-м щIэныгъэхэмкIэ щIыхь зиIэ и лэжьакIуэ Тыгъуэн Рашад.

         1937 гъэм къалъхуащ журналист, тхакIуэ, АР-м щэнхабзэмкIэ щIыхь зиIэ и лэжьакIуэ Багъ Нурбий.

ЩэкIуэгъуэм и 17, мэрем

♦Студентхэм я дунейпсо махуэщ

♦Сабий мылъхуэсхэм я дунейпсо махуэщ

♦Географие хъыбарегъащIэ системэхэм я махуэщ

♦Урысейм щагъэлъапIэ уполномоченнэ участковэхэм я махуэр

♦1920 гъэм Бгырыс АССР-р къызэрагъэпэщащ.

♦1970 гъэм «Луна-17» автоматическэ станцым Мазэм тригъэуващ езыр-езыру зекIуэ «Луноход-1» аппаратыр.

Дунейм и щытыкIэнур

ЩэкIуэгъуэм и 16, махуэку

Зэхудэчыхыныгъэм и дунейпсо махуэщ
Проект зыщIым и урысейпсо махуэщ
1921 гъэм Москва къыщызэIуахащ литературо-художественнэ институт нэхъыщхьэр.
1942 гъэм «За Советскую Кабардино-Балкарию!» листовкэр къыдагъэкIыу щIадзащ.
1943 гъэм Яхэгуауэ Михаил Совет Союзым и ЛIыхъужь цIэр къыфIащащ.
1936 гъэм къалъхуащ физико-математикэ щIэныгъэхэмкIэ доктор, КъБКъУ-м и профессор Дыкъынэ Хьэсэнбий.