|
Махуэгъэпс
22 января, 2024 - 09:38
ЩIышылэм и 22, блыщхьэ
УФ-м и ПВО-м и кхъухьлъатэдзэхэм я махуэщ
Нартыху гъэпIэнкIам и махуэщ
1517 гъэм мысыр шэрджэс мамлюкхэмрэ тыркудзэмрэ Каир пэмыжыжьэу зэзэуэн щыщIадзащ.
1943 гъэм Къэрэшей-Шэрджэс Республикэм и щIыналъэр нэмыцэ зэрыпхъуакIуэхэм къыIэщIагъэкIыжащ.
1937 гъэм къалъхуащ КъБКъУ-м и библиотекэм и унафэщIу щыта, КъБР-м щэнхабзэмкIэ щIыхь зиIэ и лэжьакIуэ УнащIэ Розэ.
20 января, 2024 - 10:00
Уэсым и дунейпсо е, нэгъуэщIу жытIэмэ, Спортым и щIымахуэ лIэужьыгъуэхэм я махуэр щагъэлъапIэр щIышылэм и ещанэ тхьэмахуэ махуэрщ. Гъэ дызэрытым ар зыхуэзэр щIышылэм и 21-рщ. ЩIы Хъурейм тет бгы лыжэ зыгъэпсэхупIэ псоми, Урысей Федерацэри хэту, а махуэр зэдагъэлъапIэ.
20 января, 2024 - 06:00
ЩIышылэм и 20, щэбэт
♦1588 гъэм урыс пащтыхь Фёдор Иван и къуэм Кремлым щригъэблэгъат Черкасскэхэ Темрыкъуэ и къуэ Мамсрыкъуэрэ Къамболэт и къуэ Къудэнэтрэ.
♦1921 гъэм Бгырыс АССР-р къэунэхуащ.
♦1932 гъэм къалъхуащ Ветеранхэм я республикэ советым щIалэгъуалэм ядэлэжьэнымкIэ и комиссэм и унафэщIу лэжьа, УФ-м и Журналистхэмрэ ТхакIуэхэмрэ я зэгухьэныгъэхэм хэт, КъБР-м и ЩIыхь тхылъыр зыхуагъэфэща Пщыбий СулътIан.
19 января, 2024 - 09:55
ЩIышылэм и 19, мэрем
1847 гъэм «Кавказ» газетым тридзащ Адыл-Джэрий СулътIан и «Урыс-шэрджэс е адыгэ псалъалъэ, грамматикэ кIэщI щIыгъуу» тхыгъэр.
1965 гъэм Май посёлкэр къалэ ящIащ.
2010 гъэм Кавказ Ищхъэрэ федеральнэ щIыналъэр къызэрагъэпэщащ.
1931 гъэм къалъхуащ тхакIуэ, егъэджакIуэ Iэзэу щыта Жылау Нурбий.
18 января, 2024 - 06:36
ЩIышылэм и 18, махуэку,
Урысейм и Дзэ-Хьэуа Къарухэм я командованэ нэхъыщхьэм и махуэщ
1854 гъэм къалъхуащ ПащIэ Бэчмырзэ.
1940 гъэм къалъхуащ тхакIуэ, егъэджакIуэ, кинодраматург Жылэтеж Сэлэдин.
1949 гъэм къалъхуащ Абхъазым, КъШР-м я цIыхубэ артист, КъБР-м щIыхь зиIэ и артист Акъ Мухьэрбэч.
17 января, 2024 - 10:22
ЩIышылэм и 17, бэрэжьей
1939 гъэм къалъхуащ техникэ щIэныгъэхэмкIэ доктор, профессор, ЩIДАА-м и академик Щомахуэ Лев.
1942 гъэм къалъхуащ физико-математикэ щIэныгъэхэмкIэ доктор, КъБКъУ-м и профессор, ЩIДАА-м и академик Темрокъуэ Анатолэ.
1950 гъэм къалъхуащ уэрэджыIакIуэ цIэрыIуэ, жылагъуэ лэжьакIуэ ПащIэ Еленэ.
16 января, 2024 - 05:00
ЩIышылэм и 16, гъубж
1922 гъэм Балъкъэрыр Горскэ АССР-м къыхэкIащ икIи Къэбэрдей-Балъкъэр автоном областыр РСФСР-м хэту къэхъуащ.
1929 гъэм къалъхуащ УФ-м и ЛIыхъужь, СССР-м щIыхь зиIэ и кхъухьлъатэзехуэ-къэхутакIуэ Мэзэхъу Владимир.
1932 гъэм къалъхуащ биологие щIэныгъэхэмкIэ доктор, КъБКъУ-м и профессор, КъБР-м, УФ-м щIэныгъэхэмкIэ щIыхь зиIэ я лэжьакIуэ, Урысейм ЩIэныгъэхэмкIэ и Академием и член-корреспондент Тембот Аслъэнбий.
15 января, 2024 - 14:45
ЦIыху зылъэмыIэса щIыпIэ пхыдзахэмрэ мэз дэгухэмрэ хъумэнымкIэ центрым и жэрдэмкIэ, 1997 гъэм ди къэралым япэ дыдэу щагъэлъэпIауэ щытащ «Мэзкъуэдыхэмрэ лъэпкъ паркхэмрэ я махуэ» зыфIащар. Ар щIышылэм и 11-м щIытрагъэхуам щхьэусыгъуэ иIэщ.
15 января, 2024 - 14:37
Урысей Печатым мы гъэм егъэлъапIэ и илъэс 321-р. 1703 гъэм, Петр Езанэм ищIа унафэм ипкъ иткIэ, дунейм къытехьащ япэ урыс газетыр - «Ведомости»-р, нобэ а газетым зэреджэр «Санкт-Петербургские ведомости»-щ. Абы и япэ номерыр дунейм къытехьащ щIышылэм и 13-м икIи аращ Печатым и махуэр абы техуэу щIагъэлъапIэри.
15 января, 2024 - 08:55
ЩIышылэм и 15, блыщхьэ
♦Урысей Федерацэм СледствиемкIэ и комитетыр къыщызэрагъэпэща махуэщ
♦Википедием – ИнтернеткIэ къагъэсэбэп щIэнгъуазэм – лэжьэн щыщIидза махуэщ (2001 гъэм)
♦1890 гъэм къалъхуащ адыгей усакIуэ, композитор, IуэрыIуатэдж Къубэ Шэбан.
♦1906 гъэм къалъхуащ 115-нэ Къэбэрдей-Балъкъэр шуудзэм и комиссару щыта, Лениным и цIэр зезыхьэ, Вагъуэ Плъыжь орденхэр зыхуагъэфэща Хьэтыкъуей Iэбубэчыр.
Страницы
|