|
|
Щэнхабзэ
27 марта, 2024 - 11:00
Нартан гъущI гъуэгу зэблэкIыпIэм пэмыжыжьэу, къуажэкIэм деж, уэрамыщхьиплIыр щызэхэкIым и ижьырабгъу лъэныкъуэм, зи бжэIупэм хуэрэджэ жыг Iут бгъэныщхьэ унэ кIыхь тетащ. Мы лъапсэм, мы унэм къыщалъхуащ, щапIащ, и гъащIэр щрихьэкIащ, дунейм ехыжыху щыпсэуащ къэбэрдей литературэм и лъабжьэр зыгъэтIылъахэм ящыщ ПащIэ Бэчмырзэ.
ПащIэ Машэ и къуэ Бэчмырзэ Къылышбийхьэблэ, итIанэ Нартан зыфIащыжам, 1854 гъэм къыщалъхуащ. ПащIэр дунейм тетыху, хуемыгъэхыу гукъеуитI иIащ: щIэныгъэ ирикъу, нэс зэримыIамрэ и усыгъэхэр зэуIуу тедзауэ зэримылъагъумрэ.
22 марта, 2024 - 13:35
Куэдым фIыуэ ялъэгъуа, УФ-м щIыхь зиIэ и артисткэ, совет кинематографием и актрисэ цIэрыIуэ КIуэкIуэ Тамарэ къызэралъхурэ илъэс 90 ирикъуащ.
Ар I934 гъэм гъатхэпэм и I5-м Налшык къыщалъхуащ. Зи сабиигъуэр зауэ зэман гугъум хиубыда быным я нэхъыжь Тамарэ и анэм сыткIи дэIэпыкъурт, и дэлъхумрэ къалъхугъащIэ (I94I гъэм) и шыпхъу нэхъыщIэмрэ (зауэм щыIэ и адэм ар илъагъуну хунэмысу I943 гъэм Керчь и деж щыхэкIуэдащ) якIэлъыплъырт.
21 марта, 2024 - 07:30
ЩIэныгъэлIхэм зэрыхуагъэфащэмкIэ, япэ макъамэхэм нэгъуэщI макъ гуэрхэр - Iэгуауэ е лъэ макъ хуэдэхэр - щIагъэувэу щытащ.
20 марта, 2024 - 13:27
Щхьэусыгъуэ гуэррэ лъабжьэрэ имыIэу зы адыгэ уэрэди щыIэу къыщIэкIынкъым. Зы Iуэхугъуэшхуэ гуэр къызэрыхъуу, ар хузэхалъхьэ хабзэт. Адыгэ IуэрыIуатэм апхуэдэу ди деж къихьэсар куэд дыдэ мэхъу. 1941 – 1945 гъэхэм екIуэкIа Хэку зауэшхуэ лъапсэрыхым теухуа уэрэд куэди яусащ. Ар къыхэкIащ лъэпкъыбэ къэралышхуэм и цIыхухэм къатепсыхауэ щыта лъапсэрых зауэшхуэм, цIыхубэм ишэча гугъуехьымрэ хьэзабымрэ, зэрихьа лIыхъужьыгъэм, лъэпкъ зэмылIэужьыгъуэхэм яку илъа зэныбжьэгъугъэм, къуэшыгъэм, цIыхугъэ лъагэм, лъагъуныгъэ къабзэм икIи нэгъуэщI Iуэхугъуэхэми.
19 марта, 2024 - 09:26
РСФСР-м щэнхабзэмкIэ щыхь зиIэ и лэжьакIуэ, СССР-м и ТхакIуэхэм я зэгухьэныгъэм хэта, Адыгэ Республикэм и усакIуэ, тхакIуэ, жылагъуэ лэжьакIуэ цIэрыIуэ Жанэ Къырымызэ къызэралъхурэ гъатхэпэм и 7-м илъэси 105-рэ ирикъуащ.
Адыгэ Республикэм и Теучэж районым (иджы Тохъутэмыкъуей) хыхьэ АфIыпсыпэ къуажэм 1919 гъэм гъатхэпэм и 7-м къыщалъхуащ Жанэ Къырымызэ Хьэжмусэ и къуэр. Ар хабзэрэ нэмысрэ зэрылъ къызэрыгуэкI адыгэ унагъуэм къыщыхъуащ.
19 марта, 2024 - 08:18
Къэбэрдей-Балъкъэрым гъуазджэхэмкIэ щIыхь зиIэ и лэжьакIуэ, УФ-м щэнхабзэмкIэ щIыхь зиIэ и лэжьакIуэ, лэжьыгъэм и ветеран Шумахуэ Владимир псэужамэ, гъатхэпэм и 13-м и ныбжьыр илъэс 85-рэ ирикъунут.
19 марта, 2024 - 06:00
(Къэхъуа Iуэхум Нэхущ Мухьэмэд къытрищIыкIыжа хъыбар)
Абрэдж гуп гъуэгу зэхэкIыпIэм тесщ. Я тхьэмадэр жыг жьауэм щIэсщи гупым ящыщым йоджэ:
- Гъуэгум ириплъэт, къакIуэIарэ?
ЩIалэм зеIэтри Iэдакъэжьауэ ещI:
- Гужь гуэр къыдокIуей, зы фыз исщ, щIалэ цIыкIуи гублащхьэм дэсщ.
- Фыз щискIэ, блэгъэкI.
Тэлай докIри, тхьэмадэр аргуэру маджэ:
- Плъэт иджыри, къакIуэIарэ?
ЩIалэр гъуэгум ироплъэ:
- ЛIыжь гуэр солъагъу, витI IумпIэкIэ иIыгъыу.
- ВитIри лIыжь цIыкIури къэфху мыдэ.
17 марта, 2024 - 08:10
ЦIыхубэ къафэхэмкIэ щапхъэу къалъыта «Дети гор» («Куршхэм я бын») сабий ансамблыр къызэрызэрагъэпэщрэ илъэс 40 ирикъуащ.
17 марта, 2024 - 07:08
Налшык дэт Ткаченкэ Андрей и цIэр зезыхьэ ГъуазджэхэмкIэ музейм Нарткъалэ щыщ сурэтыщI Чернощёковэ Ольгэ и IэдакъэщIэкIхэр щагъэлъагъуэ. Ар IэщIагъэм зэрыхэтрэ илъэс 30 зэрырикъуам теухуащ. Чернощёковэр сурэтыщIу, утыкур гуащэхэмрэ хьэпшыпхэмкIэ игъэщIэращIэу щолажьэ Нарткъалэ дэт ЩIалэгъуалэ театрым, Сабий художественнэ школым, Налшык щыIэ Къэзанокъуэ Жэбагъы и цIэр зезыхьэ ГъуазджэмкIэ школ №2-м гъуазджэр щрегъэдж.
14 марта, 2024 - 14:35
«ЗэбгъащIэр IэщIагъэщи, умыщIэр IэщIыбщ», жи адыгэм. Мы псалъэхэр нобэрей гъащIэм зэрекIум шэч къытетхьэну дыпылъмэ, ар къытхуэзыгъэнам пщIэ хуэдмыщIу къокI. Хъарзынэ хъунт щIэныгъэм и къэухьым хэхауэ мардэрэ щапхъэрэ щIимыIэр зэгуэр зыгуэрым къыдгуригъэIуэфамэ…
Страницы
|
