Щэнхабзэ

Режиссёр Iэзэр ящыгъупщэркъым

РСФСР-ми КъБР-ми щэнхабзэмкIэ щIыхь зиIэ я лэжьакIуэ, КъБАССР-м гъуазджэхэмкIэ щIыхь зиIэ и лэжьакIуэ, КъБР-м и Къэрал саугъэтым и лауреат, режиссёр, егъэджакIуэ Iэзэ Теувэж СулътIан дунейм зэрехыжрэ илъэсищ мэхъу. 

Артист ныбжьыщIэхэм я зэфIэкIхэр

Ди республикэм и мащIэкъым зэфIэкI зиIэ ныбжьыщIэхэр. Апхуэдэщ дызэрыгушхуэ уэрэджыIакIуэ, къэфакIуэ, сурэтыщI, артист ныбжьыщIэхэр. Дзэлыкъуэ щIыналъэм хыхьэ Каменномост, Дзэлыкъуэкъуажэ щыщ артистхэр нэгъабэ пашэ щыхъуащ республикэм и театр зэпеуэхэм. Абыхэм ягъэлъэгъуащ Островский Николай и «Снегурочка» таурыхъым къытращIыкIа пьесэм щыщ пычыгъуэ. 

Гъуазджэр телъыджэхэм я дунейщ

ИлъэсыщIэм балигъи сабии телъыджэ поплъэ, псом хуэмыдэу цIыкIухэр. Гъуазджэрщ, таурыхъырщ телъыджэхэм я дунейр. Сабийхэм гуащэ театрыр зыхалъхьэ щымыIэу фIыуэ ялъагъу. 
Налшык и Гуащэ театрыр КIыщокъуэм и цIэр зезыхьэ уэрамым тет, 1909 гъэм яухуа, архитектурэ фэеплъ хъуа унэм щыIэщ. Гуащэ театрым и унафэщI къалэнхэр егъэзащIэ Гонтарь Людмилэ. 

Кхъухь гъэщIэгъуэн

Дунейпсо цIыхубэм илъэсыщIэр зымыгъэмахуэшхуэ лъэпкъи абы гулъытэ егъэлея хуэзыщIи яхэтщ. Сыт хуэдэ зэмани гъэщIэгъуэнщ гъэм и къэщIэрэщIэжыгъуэм гугъэщIэхэр езыпх цIыхухэм я лъэпкъ хьэлхэм укIэлъыплъыну. ЛIэщIыгъуэ бжыгъэ хъуауэ илъэсыщIэм деж Японием къесылIэ «Насыпырыхь кхъухьым» и Iуэху зыIутыр зыгурыдгъэIуэну иужь дихьащ нобэ.

Дыщэ фэеплъ зыхуэфащэ Дашу Хьэшыр

Урысей Федерацэмрэ КъБР-мрэ щIыхь зиIэ я артист Дашу Хьэшыр къызэралъхурэ илъэс 96-рэ ирикъуащ щIышылэм и 11-м.  Ди республикэм и мызакъуэу, нэгъуэщI щIыпIэ куэдми къыщацIыхуу щытащ ар. Балетмейстер Iэзэм, къэфакIуэ гъуэзэджэм хэлъхьэныгъэшхуэ хуищIащ ди адыгэ гъуазджэм икIи Алыхьым къыхуиутIыпща гъащIэ мащIэм къриубыдэу хузэфIэкIащ лъэужьыфI абы къыхинэн.

Лъэужь дахэ къэзыгъэна

РСФСР-м и цIыхубэ артисткэ, пшынауэ Iэзэ, макъамэтх, къэфакIуэ, адыгэ лъэпкъ гъуазджэм хэлъхьэныгъэ ин хуэзыщIа, лъэужь дахэ къэзыгъэна Къашыргъэ КIурацэ къызэралъхурэ щIышылэм и 11-м илъэси 125-рэ ирокъу.

Адыгэ журналистикэм и лъабжьэр зыгъэтIылъа

ТхакIуэ икIи зэдзэкIакIуэ Дым Iэдэм адыгэ журналистикэми и гуащIэ хилъхьащ. Абы тхэным зэрызыпищIар цIыхухэр зыпэмыплъат, ауэ езыр куэдрэ зэгупсыса, зыхущIэкъуа Iуэхут. Ари и щыхьэтщ Дымыр лъэпкъым и гъащIэм епхауэ, зэманым декIуу зэрыпсэуам. 
1917 гъэм Урысейм щекIуэкI революцэ зэщIэхъееныгъэр адыгэ лъэпкъми, Кавказым щыпсэу адрей бгырысхэми зэхуэдэу къажьэхэуат. А зэманырщ газет къыдигъэкIыну Дымым мурад щищIар. АбыкIэ ар адыгэхэм ядэIэпыкъуфынут дунейм щекIуэкIхэм щыгъуазэ защIынымкIэ, Iуэхур зыIутыр къагурыIуэнымкIэ.

ЩIэрыщIэу къызэIуахыж

Тхылъыр зи Iэпэгъухэм ящIэ тхылъым уасэ зэримыIэр, ар фIыуэ зылъагъухэм уащыгугъ зэрыхъунур – апхуэдэхэр, зэрыхабзэщи, гупсысэхъуажэщ, зэхуэсыпIэ къалъыхъуэ.

Самарэ и уэрам театрыр ди хьэщIэщ

Налшык къалэм Абхъазым и утым мы махуэхэм Самарэ къикIа «Пластилиновый дождь» уэрам театрым щигъэлъэгъуащ «Белые сны», «Хранитель времени» перфомансхэр.

ЩIымахуэ сурэтхэр

Налшык къалэм зегъэужьынымкIэ "Платформа" институтым къыхилъхьащ Къэбэрдей-Балкъэрым щыпсэухэмрэ абы и хьэщIэхэмрэ Налшык къалэм щIымахуэм щызытрагъэха сурэтхэр Къэбэрдей уэрамым и лъэс зекIуапIэм щыгъэлъэгъуэным теухуа Iуэхур.

Страницы

Подписка на RSS - Щэнхабзэ