Щэнхабзэ

ЩIэрыщIэу къызэIуахыж

Тхылъыр зи Iэпэгъухэм ящIэ тхылъым уасэ зэримыIэр, ар фIыуэ зылъагъухэм уащыгугъ зэрыхъунур – апхуэдэхэр, зэрыхабзэщи, гупсысэхъуажэщ, зэхуэсыпIэ къалъыхъуэ.

Самарэ и уэрам театрыр ди хьэщIэщ

Налшык къалэм Абхъазым и утым мы махуэхэм Самарэ къикIа «Пластилиновый дождь» уэрам театрым щигъэлъэгъуащ «Белые сны», «Хранитель времени» перфомансхэр.

ЩIымахуэ сурэтхэр

Налшык къалэм зегъэужьынымкIэ "Платформа" институтым къыхилъхьащ Къэбэрдей-Балкъэрым щыпсэухэмрэ абы и хьэщIэхэмрэ Налшык къалэм щIымахуэм щызытрагъэха сурэтхэр Къэбэрдей уэрамым и лъэс зекIуапIэм щыгъэлъэгъуэным теухуа Iуэхур.

Балигъхэри сабийхэри фрагъэблагъэ

«Парк столетия» зыгъэпсэхупIэм хыхьэу яухуа гъуазджэ галереем IэпщIэлъапщIэхэм ИлъэсыщIэ зыгъэпсэхугъуэ махуэхэм балигъхэмрэ сабийхэмрэ папщIэ мастер-классхэр щат. 

ИлъэсыщIэ кинохэр ягъэлъагъуэ

ИлъэсыщIэ зыгъэпсэхугъуэ махуэхэм пщыхьэщхьэм сыхьэт I9-м щIидзэу Къуэныкъуей уэрамым щаухуа «Курортнэ» зыгъэпсэхупIэм и киногъэлъэгъуапIэм ИлъэсыщIэ кинохэр щагъэлъагъуэ. Iуэхур къызэригъэпэщащ Налшык къалэ администрацэм, къалэм зегъэужьынымкIэ «Платформа» институтыр и дэIэпыкъуэгъуу.

Тхылъ емыджэр щоуэ

ЗэрыбкIэ къэщыпа хьэрфым пщIэ хуэзыщI дэтхэнэ цIыхуми шэч къытрихьэн хуейкъым тхылъым и мыхьэнэр зэрыабрагъуэм. Дигу ирихьу е иримыхьу ди хъуреягъым щытлъагъу псори зэгуэр тхылъымпIэ напэм ихуащ, абы зыгуэр къеджащ, ар адрейм жриIэжащ. Тхылъым и закъуэкъым зыужьыныгъэм лъабжьэ хуэхъур, ауэ тхылъыншэу гъуэгу пэж къыхэзыха куэд щыIагъэнкъым.

ИлъэсыщIэ нэгузыужь зэхыхьэхэр

Дыгъэгъазэм и иужьрей махуэхэм ирагъэжьа ИлъэсыщIэ нэгузыужь зэхыхьэхэм иджыри пащэ. Ахэр къызэригъэпэщащ Налшык къалэ администрацэм.
Дыгъэгъазэм и 31-м ЗэгурыIуэныгъэм и утым щекIуэкIа ИлъэсыщIэ зэхыхьэ щIэщыгъуэхэр ини цIыкIуи гукъинэж ящыхъуащ. Уае Дадэмрэ Уае Гуащэмрэ къадэкIуэу, цIыкIухэм я нэгу зрагъэужьат аниматорхэм, таурыхъхэм къыхэщ лIыхъужьхэм.
ЩIышылэм и 1-м пыIэ плъыжь цIыкIухэр зыщхьэрыгъ Уае Дадэхэр ЗэгурыIуэныгъэм и утым щызэхуэсри, лъакъуэрыгъажэкIэ къыздэжащ.

Зы цIыхум и зэфIэкI

Къэфэным дихьэххэм Ульбашев Мутай и цIэр фIыуэ ящIэ, ди щIыналъэм и къафэ гъуазджэм и лъабжьэр зыгъэтIылъахэм ящыщщи. КъэфакIуэ къызэрыгуэкIыу 1933 гъэм иригъажьэри, Мутай иужькIэ «Кабардинка» къэфакIуэ гупми «Балкария» ансамблми я балетмейстеру, художественнэ унафэщIу лэжьат.

Лъэпкъ хабзэр – утыкум

Адыгэ Республикэм и къэрал филармонием и концерт зэгухьэныгъэм япэу щагъэлъэгъуащ ЦIыхубэ къафэхэмкIэ «Налмэс» къэрал академическэ ансамблым и «Адыгэ цIыхубэ хьэгъуэлIыгъуэ» спектаклыр.

Лъэпкъыр зэрыгушхуэ уэрэджыIакIуэ

Дыгъэгъазэм къыщалъхуа махуэр егъэлъапIэ псоми фIыуэ тлъагъу артист, лъэпкъыр зэрыгушхуэ уэрэджыIакIуэ Нэхущ Чэрим. Къэбэрдей-Балъкъэр, Къэрэшей-Шэрджэс, Адыгэ, Ингуш республикэхэм я цIыхубэ артист цIэ лъапIэхэр зезыхьэ Чэрим и зэфIэкIи и щытхъуи хэхъуэ фIэкIа нэхъ мащIэ хъуркъым. Лъэпкъ лъагъуныгъэр къыщежьэр IуэхущIафэрщ, псэукIэрщ, лъэпкъым хуэпщIа, хуэбгъэтIылъа тыхьырщ. Абы и уэрэдхэм, щтаучым хуэдэу, адыгэлъыр зэщIагъаплъэ.

Страницы

Подписка на RSS - Щэнхабзэ