НыбжьыщIэхэр ягъэгушхуэ

25 декабря, 2019 - 05:08

КъБР-м щыIэ МВД-м щекIуэкIащ абы дэлажьэ Жылагъуэ советым и зи чэзу зэIущIэ.

Ар Iуэху гуапэкIэ  къыщIадзащ. Къэбэрдей-Балъкъэр Республикэм къэрал кIуэцI IуэхухэмкIэ и министр,  полицэм и генерал-майор Павлов Василий  республикэм сабийхэм папщIэ щрагъэкIуэкIа  «Си адэ-анэр полицэм щолажьэ»   зэпеуэм щытекIуахэм ехъуэхъуащ икIи яритащ ЩIыхь тхылъхэмрэ саугъэтхэмрэ.  
- Зэман гуэр дэкIмэ, фэри фи адэ-анэм я лъэужьым фрикIуэу хабзэхъумэ IэщIагъэм фыхуеджэну, Къэбэрдей-Балъкъэрым и полицэм и хабзэфIхэм хэвгъахъуэу фылэжьэну къыщIэкIынщ, - жиIащ Павловым.  
Республикэ МВД-м дэлажьэ Жылагъуэ советым и тхьэмадэ   Балъкъыз Валерэ ведомствэм и унафэщIыщIэр щыгъуазэ ищIащ советым и гупым, я лэжьыгъэм, мы илъэсым яхузэфIэкIам.   
Павлов Василий   къыхигъэщащ советыр зэрыхуэщхьэпэр хабзэхъумэхэмрэ жылагъуэмрэ дзыхь зэхуащIыным. Жылагъуэ советым хэтхэм абы фIыщIэ яхуищIащ хабзэхъумэхэм жыджэру къазэрыдэIэпыкъум папщIэ.   

УАРДЭ Жантинэ.
  • 23 просмотра
Поделиться: