ИлъэсыщIэм нэхъыфIу пежьахэр

Налшык къалэ округым и унэ гупэхэмрэ абджыпс IуплъапIэхэмрэ (витринэхэмрэ) илъэсыщIэм нэхъ дахэу хуэзыгъэхьэзырахэм я деж щрагъэкIуэкIа зэпеуэм кърикIуахэм иджыблагъэ щIыпIэ администрацэм щыхэплъэжащ.

УнэтIыныгъэ зыбжанэкIэ гуэшауэ щыта зэпеуэм нэхъ дахэу зэрызэщIагъэбламкIэ «Кенгуру-Парк» шхапIэр нэхъыфIу къалъытащ. Инстаграмым щрагъэкIуэкIа IэIэтымкIэ къалэдэсхэм зэдэарэзыуэ къыхахар КъБР-м и Профсоюз организацэхэм я зэгухьэныгъэрщ. «Къэрал IуэхущIапIэхэм ящыщу нэхъ дахэу илъэсыщIэм зыхуэзыгъэхьэзыра» Iыхьэм щытекIуари ахэращ.
ИлъэсыщIэ гукъыдэж къуиту зыкъизыха тыкуэнхэм я деж пашэныгъэ щызубыдар «Эксельсиор» тыкуэнырщ. Общепитхэм ящыщу «Фабрика» шхапIэр къыщыхэжаныкIащ.
Бзылъхугъэхэр щагъэщIэращIэ «Нэйл Лаб» салоным щIымахуэ теплъэгъуэ нэхъыфI ищIауэ къалъытащ.
ИлъэсыщIэ арт-IуэхущIапIэ нэхъыфI хъуар «Кофе -мофе» каферщ.
 

Налшык къалэ администрацэм и пресс-IуэхущIапIэ.
Поделиться: