ХуэмыщIахэм зыщIагъакъуэ

29 апреля, 2020 - 05:15

COVID-19 уз бзаджэм и зэранкIэ щытыкIэ гугъум къихутауэ унэм дэтIысхьэжахэм, хуэмыщIауэ псэу унагъуэхэм, зи ныбжьыр хэкIуэтахэм нэщI мазэм ирихьэлIэу зыщIагъэкъуащ Бахъсэн щIыналъэм хыхьэ Кыщпэк къуажэм щыпсэу щIалэгъуалэм. Абыхэм зэхуахьэса мылъкумкIэ цIыхухэр нэхъ зыхуэныкъуэну ерыскъыпхъэхэр къыхуащэхуащ.

Апхуэдэ щIыкIэкIи, хьэжыгъэ, джэдыкIэ, дагъэ, хадэхэкI, пхъэщхьэмыщхьэ, IэфIыкIэ, фIэIугъэ зыхэлъ Iыхьэхэр Кыщпэк щыпсэу унагъуэ щэщIым нэблагъэм хуашащ.
Къэралым и дежкIэ гугъу мы зэманым апхуэдэ гукъэкI зыщIахэм фIыщIэ яхуищIащ къуажэ администрацэм и Iэтащхьэм.

ЧЫЛАР Аринэ.
  • 31 просмотр
Поделиться: