Къэбэрдей-Балъкъэр Республикэм и Правительствэм и Унафэ

Къэбэрдей-Балъкъэр Республикэм ЩIыуэпс хъугъуэфIыгъуэхэмрэ экологиемкIэ и министерствэм и Положенэм и 5-нэ пунктым ­зэхъуэкIыныгъэхэр хэлъхьэным теухуауэ

Къэбэрдей-Балъкъэр Республикэм и Правительствэм и Унафэ

№175-ПП

2020 гъэм     шыщхьэуIум и 17-м     Налшык къалэ

Къэбэрдей-Балъкъэр Республикэм и Правительствэм унафэ ещI:
Къэбэрдей-Балъкъэр Республикэм ЩIыуэпс хъугъуэфIыгъуэхэмрэ экологиемкIэ и министерствэм и Положенэм, Къэбэрдей-Балъкъэр Республикэм и Правительствэм 2014 гъэм мэлыжьыхьым и 3-м къыдигъэкIа унафэ №48-ПП-мкIэ къащтам, и 5-нэ пунктым мы къыкIэлъыкIуэ зэхъуэкIыныгъэхэр хэлъхьэн:
1) 5.8 пункт къуэдзэм къару имыIэжу къэлъытэн;
2) 5.9 пункт къуэдзэр мыпхуэдэу къэхьын:
«5.9 хозяйственнэ е нэгъуэщI лэжьыгъэхэр езыгъэкIуэкI юридическэ лицохэм, щхьэзакъуэ хьэрычэтыщIэхэм, III категорием хыхьэ ухуэныгъэхэу щIыналъэ, къэрал экологие кIэлъыплъыныгъэ щрагъэкIуэкIыну, апхуэдэуи къызэрызэрагъэпэщамкIэ, зэракъутэжамкIэ, зэран мыхъун хуэдэу лъэныкъуэ зэрырагъэзамкIэ, кIэрыхубжьэрыхухэр зэрыщагъэтIылъамкIэ отчёт зытыжыну къызытехуэхэм, къабгъэдэкI Iуэхухэр зэкIэлъегъакIуэ;»;
3) 5.15-1 пункт къуэдзэ щIыгъужын, мыпхуэдэу иту:
«5.15-1 щIыналъэм хэхауэ яхъумэ и щIыуэпс щIыпIэхэм псэущхьэхэм зэрыщахущытыпхъэ мардэхэр щыгъэзэщIэным хуэунэтIауэ къэрал кIэлъыплъыныгъэ ирегъэкIуэкI, псэущхьэхэм зэрахущытыпхъэм теухуауэ федеральнэ къэ­рал кIэлъыплъыныгъэм къигъэув къалэнхэр гъэзэщIэным ехьэлIахэм нэмыщI;».

Къэбэрдей-Балъкъэр Республикэм
и Правительствэм и УнафэщI  МУСУКОВ Алий

«Къэбэрдей-Балъкъэр Республикэм фэтэр куэду зэхэт унэхэр, цIыхухэм зэдай мылъкур сыткIи зыхуей хуэзэу 2014 - 2043 гъэхэм къриубыдэу зэгъэпэщыным и IуэхукIэ» республикэ программэм 2020 - 2022 гъэхэм къриубыдэу пIалъэ кIэщIым тещIыхьа и планым зэхъуэкIыныгъэхэр хэлъхьэным теухуауэ

Къэбэрдей-Балъкъэр Республикэм и Правительствэм и Унафэ

№177-ПП

2020 гъэм     шыщхьэуIум и 17-м     Налшык къалэ

Къэбэрдей-Балъкъэр Республикэм и Правительс­твэм унафэ ещI:
«Къэбэрдей-Балъкъэр Республикэм фэтэр куэду зэхэт унэхэр, цIыхухэм зэдай мылъкур сыткIи зыхуей хуэзэу 2014 - 2043 гъэхэм къриубыдэу зэгъэпэщыным и IуэхукIэ» республикэ программэм 2020 - 2022 гъэхэм къриубыдэу пIалъэ кIэщIым тещIыхьа и планым, Къэбэрдей-Балъкъэр Республикэм и Правительствэм 2019 гъэм дыгъэгъазэм и 26-м къыдигъэкIа унафэ №241-ПП-мкIэ къащтам зэхъуэкIыныгъэхэр хэлъхьэн, мы унафэм щIыгъу гуэдзэным къызэрыщыгъэлъэгъуам хуэдэу.

Къэбэрдей-Балъкъэр Республикэм
и Правительствэм и УнафэщI МУСУКОВ Алий

«Къэбэрдей-Балъкъэр Республикэм транспорт IэнатIэм зыщегъэужьыным и IуэхукIэ» Къэбэрдей-Балъкъэр Республикэм и къэрал программэм и ХI Iыхьэм зэхъуэкIыныгъэ хэлъхьэным теухуауэКъэбэрдей-Балъкъэр Республикэм и Правительствэм и Унафэ

№178-ПП

2020 гъэм     шыщхьэуIум и 17-м     Налшык къалэ

Къэбэрдей-Балъкъэр Республикэм и Правительствэм унафэ ещI:
«Къэбэрдей-Балъкъэр Республикэм транспорт IэнатIэм зыщегъэужьыным и IуэхукIэ» Къэбэрдей-Балъкъэр Республикэм и къэрал программэм, Къэбэрдей-Балъкъэр Республикэм и Правительствэм 2013 гъэм щэкIуэгъуэм и 11-м къыдигъэкIа унафэ №296-ПП-мкIэ къащтам, и ХI Iыхьэм зэхъуэкIыныгъэ хэлъхьэн, мы унафэм щIыгъу гуэдзэным къызэрыщыгъэлъэгъуам хуэдэу ар къэхьауэ.

Къэбэрдей-Балъкъэр Республикэм
и Правительствэм и УнафэщI  МУСУКОВ Алий