МЫ МАХУЭХЭМ
ЩэкIуэгъуэм и 8, тхьэмахуэ
♦КВН джэгукIэм и дунейпсо махуэщ. 1961 гъэм Москва и телевиденэм къигъэлъэгъуащ КВН программэм и япэ нэтыныр. Абы тращIыхьауэ, 2001 гъэ лъандэрэ къэрал зыбжанэм щагъэлъапIэ КВН-м и махуэр.
♦ФIагъым и дунейпсо махуэщ
♦Радиологием и дунейпсо махуэщ
♦Пианистым и махуэщ
♦Баку и метром и лэжьакIуэхэм я махуэщ
♦Къэзахъстаным щагъэлъапIэ статистикэм и махуэр
♦Китайм и журналистхэм я махуэщ
♦1895 гъэм Баварием щыщ нэмыцэ физик Рентген Вильгельм Конрад къихутащ цIыхум и Iэпкълъэпкъым «зэпхрыплъыф» нур телъыджэхэр, иужькIэ «рентген бзийхэр» зыфIащар.
♦1917 гъэм Советхэм я II урысейпсо съезд зэхэтащ. Абы хэIущIыIу щащIащ къэрал унафэр дяпэкIэ Советхэм зэращIынур, апхуэдэуи къыщащтащ мамырыгъэм, щIым ятеухуа декретхэр, къыщызэрагъэпэщащ ЦIыхубэ Комиссархэм я Совет, Ленин Владимир и пашэу.
♦1943 гъэм СССР-м и Совет Нэхъыщхьэм и Президиумым и унафэкIэ ягъэуващ «ТекIуэныгъэ» орденымрэ ЩIыхь орденым и нагъыщищымрэ.
♦1882 гъэм къалъхуащ усакIуэ, джэгуакIуэ, Ленин орден зрата ХьэхъупащIэ Амырхъан.
♦1900 гъэм къалъхуащ америкэ тхакIуэ, цIэрыIуэ дыдэ хъуа «Унесённые ветром» роман цIэрыIуэр зи IэдакъэщIэкI Митчелл Маргарет.
♦1914 гъэм къалъхуащ УФ-м щIыхь зиIэ и артист Жыгун Тимэ.
♦1924 гъэм къалъхуащ дзэ къулыкъущIэ, Совет Союзым и Маршал, къэралым зыхъумэжыныгъэмкIэ и министру щыта Язов Дмитрий.
♦1924 гъэм къалъхуащ педагогикэ щIэныгъэхэм я доктор, профессор, ЩIДАА-м и академик, АР-м щIэныгъэмкIэ щIыхь зиIэ и лэжьакIуэ Шорэ Ибрэхьим.
♦1929 гъэм къалъхуащ совет актёр, СССР-м и цIыхубэ артист Борисов Олег.
♦1932 гъэм къалъхуащ КъБАССР-м щIыхь зиIэ и нартыхугъэкI, Социалист Лэжьыгъэм и ЛIыхъужь Щауэ Iэхьед.
♦1935 гъэм къалъхуащ франджы актёр, режиссёр цIэрыIуэ Делон Ален.
♦1946 гъэм къалъхуащ нидерланд футболист, УФ-м футболымкIэ и командэ къыхэхам и гъэсакIуэ нэхъыщхьэу щыта, Урысейм щIыхь зиIэ и тренер Хиддинк Гус.
♦1947 гъэм къалъхуащ политик, жылагъуэ лэжьакIуэ, МАТР-м и академик Жаным Руслан.
♦1960 гъэм къалъхуащ урысей актёр, УФ-м и цIыхубэ артист Меньшиков Олег.
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 9 - 10, жэщым градуси 2 - 3 щыхъунущ.
ЩэкIуэгъуэм и 9, блыщхьэ
♦Фашизмэм, расизмэм, лъэпкъ зэхэгъэж щIыным япэщIэтыным и дунейпсо махуэщ
♦Радиацэм пэщIэтыным хуэунэтIа акцэхэм я дунейпсо махуэщ
♦Лизингым и дунейпсо махуэщ
♦Украинэм щагъэлъапIэ я тхыбзэмрэ я бзэмрэ я махуэр
♦Азербайджан Республикэм и лъэпкъ ныпым и махуэщ
♦1911 гъэм урыс IэпщIэлъапщIэ Котельников Глеб ищIа парашютыр ягъэунэхуащ икIи дунейм щыяпэу а Iэмэпсымэр зэрищIам щыхьэт техъуэ тхылъыр къратащ.
♦1940 гъэм СССР-м унафэ къыщащтащ курыт школхэм хамэ къэралыбзэхэр щегъэджыным теухуауэ.
♦1989 гъэм Германием и къалащхьэ Берлин илъэс куэдкIэ зэпызыгъэщхьэхукIыу щыта блыныр къутэн щIадзащ.
♦2000 гъэм Урысейм IэщэкIэ ЗэщIэузэда и Къарухэм къулыкъу щызыщIэхэм я бжыгъэр цIыху мин 600-кIэ гъэмэщIэным теухуа унафэ къащтащ.
♦1818 гъэм къалъхуащ урыс тхакIуэ цIэрыIуэ Тургенев Иван.
♦1929 гъэм къалъхуащ уэрэд 400-м щIигъу зытха композитор цIэрыIуэ, СССР-м и цIыхубэ артисткэ, Социалист Лэжьыгъэм и ЛIыхъужь, СССР-м и Къэрал саугъэтыр тIэунейрэ зыхуагъэфэща Пахмутовэ Александрэ.
♦1940 гъэм къалъхуащ адыгей усакIуэ Хьэлэш Сэфарбий.
♦1941 гъэм къалъхуащ УФ-м и цIыхубэ сурэтыщI, КъБР-м щIыхь зиIэ и сурэтыщI, Красноярск дэт художественнэ институтым и профессор, РАХ-мрэ ЩIДАА-мрэ я академик Пащты Герман.
♦1936 гъэм къалъхуащ совет шахматист, дунейм и чемпион Таль Михаил.
Дунейм и щытыкIэнур
«pogoda.yandex.ru» сайтым зэритымкIэ, Налшык уэфIу щыщытынущ. Хуабэр махуэм градус 13 - 14, жэщым градуси 3 - 4 щыхъунущ.
Лъэпкъ Iущыгъэ:
Адэм хуэмыгъасэр анэм хуэумыскъым.
