Къалэхэр зэIузэпэщ щIыным теухуа зэIущIэ

КъБР-м и Премьер-министр Мусуков А. ТI. иджыблагъэ иригъэкIуэкIащ КъБР-м и Правительствэм и деж «Къалэр иджырей псэукIэм хуэгъэпсыныр» проектыр гъэзэщIэнымкIэ щыIэ комиссэм и зэIущIэ. Абы щытепсэлъыхьащ а проектыр республикэм щыпхыгъэкIынымкIэ 2018 гъэм зэфIагъэкIахэм. ЗэIущIэм зэрыщыжаIамкIэ, нэгъабэ республикэм пщIантIэ 90 зэIузэпэщ щащIащ, апхуэдэу цIыхухэр щызэхуэс щIыпIэу 21-рэ, къалэ мыину 4-м я паркхэр зыхуей хуагъэзащ. Мы лэжьыгъэм ипкъ иткIэ 2019 гъэм ятыну субсидиехэр муниципальнэ щIыналъэхэм зэрытрагуэшэнур яубзыхуащ.
Мы илъэсми щIыналъэ программэр гъэзэщIэным хэтынущ республикэм и муниципальнэ щIыналъэу, къалэ округыу 13 икIи абыхэм къалэхэр зэIузэпэщ щIыным трагъэкIуэдэн папщIэ сом мелуан 262-рэ хухах. «Федеральнэ центрым къыдита Iэмалыр нэгъэсауэ къэдмыгъэсэбэпу хъунукъым. Абы папщIэ дэ икIэщIыпIэкIэ дгъэзэщIэн хуейщ къызэгъэпэщыныгъэ Iуэху псори», - жиIащ Мусуков Алий.

КъБР-м и Iэтащхьэмрэ Правительствэмрэ я пресс-IуэхущIапIэ.
Поделиться: