Урысейм и Дзэ-Хьэуа Къарухэм я командованэ нэхъыщхьэм и махуэщ
Тунисым щагъэлъапIэ я Революцэм и махуэр
1535 гъэм Лимэ къалэм (иджыпсту Перу къэралым и щыхьэрщ) и лъабжьэр ягъэтIылъащ.
1765 гъэм Урысей пащтыхьым указ къыдигъэкIауэ щытащ пщыхэм емыдаIуэ пщылIхэр Сыбырым щылэжьэну ягъэкIуэныр хуит ищIу.
1825 гъэм Москва Театр Иныр къыщызэIуахащ.
1925 гъэм «Новый мир» журналым и япэ номерыр къыдэкIащ.
1926 гъэм СССР-м и кинотеатрхэм япэу щагъэлъэгъуащ «Броненосец «Потёмкин» фильмыр.
1943 гъэм советыдзэхэм Ленинград къалэр фашист къэухъуреихьыныгъэм кърагъэкIащ.
1960 гъэм Ил-18 кхъухьлъатэм къемытIысэхыу япэ дыдэу зэпичащ Москва - Каир гъуэгуанэр.
1963 гъэм СССР-м и Телевиденэ нэхъыщхьэм къыщызэрагъэпэщащ сабийхэм папщIэ нэтынхэр зыгъэхьэзырыну редакцэр.
1964 гъэм америкэ дохутырхэм Конгрессым къалэн щащIащ тутын уефэным зэраныгъэшхуэ зэрыпылъыр ар къыщIэзыгъэкI IуэхущIапIэхэм пачкэ псоми тратхэну хуагъэувыну.
Адыгэ усакIуэ ПащIэ Бэчмырзэ къызэралъхурэ илъэси 165-рэ ирокъу.
Инджылыз тхакIуэ, къэрал куэдым цIэрыIуэ щыхъуа «Винни-Пух» таурыхъыр зи къалэмыпэм къыщIэкIа Милн Алан къызэралъхурэ илъэси 137-рэ ирокъу.
Актёр, режиссёр, СССР-м и цIыхубэ артист Бабочкин Борис къызэралъхурэ илъэси 115-рэ ирокъу.
Совет Союзым и баскетбол командэм и тренеру щыта, СССР-м щIыхь зиIэ и гъэсакIуэ Гомельский Александр къызэралъхурэ илъэс 91-рэ ирокъу. Абы и унафэм щIэту къэралым и командэ къыхэхам ехъулIэныгъэшхуэхэр зыIэригъэхьауэ щытащ - Олимп джэгухэм щытекIуат (1988 гъэм), дунейм тIэунейрэ, Европэм блэнейрэ я чемпион хъуат.
ТхакIуэ, егъэджакIуэ, кинодраматург Жылэтеж Сэлэдин къызэралъхурэ илъэс 79-рэ ирокъу.
Абхъазым, КъШР-м я цIыхубэ артист, КъБР-м щIыхь зиIэ и артист Акъ Мухьэрбэч къызэралъхурэ илъэс 70 ирокъу.
Урысей актёр, кинорежиссёр, УФ-м и цIыхубэ артист Невзоров Борис и ныбжьыр илъэс 69-рэ ирокъу.
КъБР-м и Парламентым и депутату щыта, «УФ-м цIыхубэр егъэджэн и IэнатIэм и лэжьакIуэ нэхъыфI» цIэр зыхуагъэфэща, жылагъуэ лэжьакIуэ Умэ Светланэ къыщалъхуа махуэщ.
УэрэджыIакIуэ, композитор, актрисэ, УФ-мрэ Куржымрэ я цIыхубэ артисткэ Гвердцители Тамарэ и ныбжьыр илъэс 57-рэ ирокъу.
Украинэм щыщ биатлонисткэхэу, Олимп джэгухэм я чемпионкэхэу Семиренкэхэ Валентинэрэ Витэрэ я ныбжьыр илъэс 33-рэ ирокъу.
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Махуэм хуабэр градуси 3, жэщым щIыIэр градуси 8 - 6 щыхъунущ.
Лъэпкъ Iущыгъэ:
Аслъэныр жьы хъумэ, хьэIуцыдзыр щодыхьэшх.