ЩIэныгъэ нэхуДызэрызэрыцIыху лъандэрэ Лъостэн Владимиррэ сэрэ ди зэхуаку зэхущытыкIэ гуапэ къыдэхъуат. Ар Iуэхугъуэ зэхуэмыдэхэм щхьэкIэ щIэх-щIэхыурэ къызэджэрт икIи си Iуэху еплъыкIэр жызигъэIэрт. Сэ зыхэсщIэрт пщэрылъ къысхуищI къалэнхэр дагъуэншэу зэфIэсхыну ар къызэрысщыгугъыр. Сэри апхуэдэу сыкъызэрыщIэкIыным сыхущIэкъурт, пщIэшхуэрэ нэмыс лъагэрэ хуэсщIырти. Хьэлэмэтракъэ, абы къалэну къыпхуигъэув дэтхэнэ зы Iуэхури творчествэ гуэр зыхэплъхьэн хуейуэ къыщIэкIырт. IэщIагъэлIым епсэлъылIэн и пэ къихуэу Лъостэным езым фIыуэ зыхуигъэхьэзырырт а зэIущIэм. Ар унафэщI IэкIуэлъакIуэр къызэрахутэ нэщэнэхэм ящыщ зыщ. КъБКъУ-м и ректору сыщыщыта зэманым сэ куэдрэ лэжьыгъэм къыщызгъэсэбэпащ Владимир дэслъэгъуауэ щыта Iуэху зехьэкIэр, цIыху хэтыкIэр, нэгъуэщI хьэл-щэнхэри. Мыхьэнэшхуэ зиIэ унафэ гуэр къэсщтэн и пэкIэ, сэ псэкIэ абы ноби сочэнджэщ, апхуэдэ щытыкIэм езыр къызэрикIыфынкIэ хъуну щIыкIэхэр гукIэ зэблызогъэкIри, нэхъ тэмэму къэслъытэр къыхызох.
Поделиться:
Читать также:
18.04.2024 - 17:15 →
ХьэщIэщхэмрэ хьэщIэхэмрэ
18.04.2024 - 14:10 →
Ди щIыналъэм и щIыпIэ дахэхэр
18.04.2024 - 09:58 →
Зэману дахэ, сумыгъэпIащIэ…
17.04.2024 - 18:00 →
Мошенники звонят от имени Центробанка. Как их вычислить?
17.04.2024 - 12:53 →
Урысеймрэ ислъам дунеймрэ
|