Битокъу Владимир и етIуанэ фильмыр Венецием яшэ

КъБР-м щыщ режиссёр Битокъу Владимир и «Мамэ, сэ сыкъэсыжащ» фильмыр Венецием щекIуэкIыну кинофестивалым хэтынущ. А хъыбарыр и инстаграм напэкIуэцIым кърилъхьащ лэжьыгъэм и продюсер Роднянский Александр.

Фильмыр щекIуэкIыр Къэбэрдей-Балъкъэрырщ. Налшык къалэкIэм щыпсэу Тоня уней зауэлI зэгухьэныгъэм хэту Сирием щызэуэну кIуа и къуэр къыщысыжынум поплъэ. Зэман докIри, щIалэр яукIауэ хъыбар къоIу, ауэ анэм ар и фIэщ ищIын идэркъым. ЦIыхубзыр и закъуэу утыку йохьэ, си къуэр къызэфтыж, жиIэу. Махуэ гуэрым щIалэр и анэм и бжэщхьэIум къытоувэж.
 Роль нэхъыщхьэхэр Борисов Юрийрэ Раппопорт Ксениерэ ягъэзэщIащ. Битокъу Владимир Сокуров Александр КъБКъУ-м щригъэджа еджакIуэ I2-м язщ. 20I9 гъэм Бэлагъы Къантемыр и «Дылда» фильмым «режиссёр лэжьыгъэ нэхъыфI дыдэ» саугъэтыр Канны щекIуэкIа фестивалым къыщихьащ. Иджыблагъэ Коваленкэ Кирэ и «IэштIымхэр щызэрыпхкIэ» фильмым а фестиваль дыдэм саугъэт нэхъыщхьэр (гран-при) къыщихьащ.

 

Чэрим Марианнэ.
Поделиться: