ЩIыналъэм зэрызиужьыну щIыкIэм теухуауэКъэрал къулыкъущIапIэхэм КъБР-м и Iэтащхьэ КIуэкIуэ Казбек иригъэкIуэкIащ щIыналъэм 2030 гъэ пщIондэ зэрызиужьыну щIыкIэр убзыхуным теухуа зэIущIэ. Абы хэтащ КъБР-м экономикэ зыужьыныгъэмкIэ и министр Рахаев Борис, абы и къуэдзэхэу Бэждыгъу Темыркъанрэ ТIымыжь Хъусенрэ. Зэхуэсым щытепсэлъыхьащ республикэм зегъэужьыным ехьэлIа Iуэхухэм, «Демографие», «ЦIыхухэр IэнатIэ къызэгъэпэщыныр», «Инвестицэхэр» унэтIыныгъэхэм щызэфIагъэкIыну къыхалъхьахэм хэплъащ. А лэжьыгъэхэр ирагъэкIуэкI УФ-м и Правительствэм и УнафэщI Мишустин Михаил Кавказ Ищхъэрэ федеральнэ округым социально-экономикэ и лъэныкъуэкIэ зегъэужьыным теухуа зэIущIэу мэкъуауэгъуэм и I5-м Псыхуабэ щригъэкIуэкIам пщэрылъ къащыщищIауэ щытахэм япкъ иткIэ. УФ-м Экономикэ зыужьыныгъэмкIэ и министерствэм игъэхьэзыра методикэм тету, Кавказ Ищхъэрэ федеральнэ округым хыхьэ щIыналъэхэм мы зэманым и кIэм нагъэсащ 2030 гъэ пщIондэ абыхэм зэрызаужьыну щIыкIэр щыубзыхуа дэфтэрхэр гъэхьэзырыныр.
Поделиться:
Читать также:
13.04.2024 - 15:23 →
Махуэшхуэм зыхуагъэхьэзыр
13.04.2024 - 10:08 →
Зэгухьэныгъэм зэфIигъэкIар
06.04.2024 - 10:26 →
Театрхэм я ехъулIэныгъэ, я гугъуехь
06.04.2024 - 09:00 →
Мэкъумэш IэнатIэм и зэфIэкIхэм арэзы къещI
09.03.2024 - 13:10 →
Мэкъумэш IэнатIэр я нэIэ щIэтщ
|