Миланэ къэралым и чемпионыр хегъащIэ

3 сентября, 2021 - 13:21

Эстонием и къалащхьэ Таллин щекIуэкIащ тхэковондомкIэ (WTF) Европэм и щIалэгъуалэ зэхьэзэхуэ.
Зи хьэлъагъыр килограмм 52-м нэблагъэхэм я гупым къыщыхах Iыхьэр къызэзынэкIа Къэбэрдей-Балъкъэрым щыщ Бекъул Миланэ финал ныкъуэ зэпэщIэтыныгъэм щыIущIащ Медведевэ Ларисэ. Балигъхэм я деж Урысейм и иджырей чемпионыр хигъащIэри ди лъэпкъэгъур финалым нэсащ.
КIэух зэIущIэм Миланэ зымащIэкIэ (I5:I7-уэ) къыщефIэкIащ Италием и лIыкIуэр икIи дыжьын медалыр къыхуагъэфэщащ.
А зэхьэзэхуэм щригъэкIуэкIа зэIущIитхуми щытекIуащ килограмм 4I-рэ зи хьэлъагъ Бицу Къантемыр икIи Европэм пашэ щыхъуащ.
Спортсменхэр ягъасэ Ахъмэт Амир, Кугъуэндокъуэ Ялдар, Унэжокъуэхэ Абдельджабаррэ Къантемыррэ.

 

 

Къэхъун Бэч.
  • 13 просмотров
Поделиться: