Балигъ мыхъуахэм я сэбэп зыхэлъхэр

Урысейм и МВД-м  и Управленэу Налшык къалэ щыIэм  ведомствэхэм я зэIущIэ щекIуэкIащ. Ар  теухуат балигъ мыхъуахэм ехьэлIа щIэпхъаджагъэхэр къэмыгъэхъуным.
Лэжьыгъэм хэтащ    Урысей Федерацэм и Следственнэ комитету Къэбэрдей-Балъкъэр Республикэм щыIэм СледствэмкIэ и  управленэм  Налшык къалэм щиIэ Следствэ къудамэм и лэжьакIуэхэр,    управленэм Полицэм и участковэ уполномоченнэхэмрэ балигъ мыхъуахэм я IуэхухэмкIэ и  IэнатIэм   и нэхъыщхьэр, къалэ управленэм балигъ мыхъуахэм я IуэхухэмкIэ и къудамэхэм я унафэщIхэр.
ЗэIущIэм  щытепсэлъыхьащ  сабийхэм ехьэлIа щIэпхъаджагъэхэр къэмыгъэхъуным, хабзэкIэ абыхэм я щхьэщыжакIуэу къагъэлъагъуахэу зи  къалэнхэр зымыгъэзащIэ дэтхэнэри къыщIэгъэщыным,   апхуэдэуи балигъ мыхъуахэм я хуитыныгъэхэмрэ хабзэкIэ я сэбэп зыхэлъхэмрэ хъумэнымкIэ хэкIыпIэхэр къэщтэным.    
ЗэIущIэм къыщагъэлъэгшъуащ  хабзэр къызепмыгъэудыныр егъэфIэкIуэнымкIэ япэ игъэщыпхъэ  Iуэхугъуэхэр.