Сонэр пашэщ

Мы махуэхэм Къэзан щекIуэкIащ самбэмкIэ ныбжьыщIэхэм я урысейпсо зэхьэзэхуэ. Абы хэтащ къэралым и щIыналъэ куэдым къикIа зи ныбжьыр илъэс 12-14 ит спортсмен 360-м щIигъу. 
Зи хьэлъагъыр килограмм 54-м нэблагъэ Къэбэрдей-Балъкъэрым щыщ Сонэ Идар зыхэта гупым щригъэкIуэкIа зэIущIи 8-м шэч къызытумыхьэн текIуэныгъэхэр къыщихьащ икIи зэхьэзэхуэм и дыщэ медалыр къыхуагъэфэщащ. 
ГугъэфIхэр уэзыгъэщI спортсменыр ягъасэ ПшынащIэ Муратрэ Уэщхъун Баширрэ.