Дунейпсо Кубокым зыхуегъэхьэзыр

22 сентября, 2021 - 08:55

 
Мас-рестлингымкIэ Дунейпсо кубокыр къэхьыным и етIуанэ Iыхьэр мы махуэхэм Истамбыл щекIуэкIащ. Абы хэтащ къэрал II-м къикIа спортсмен 200-м щIигъу.
Урысейм и командэ къыхэхам хэту зи хьэлъагъыр килограмм 85-м нэблагъэхэм я гупым щыбэнащ Налшык щыщ КъуэщIысокъуэ Кристинэ. Япэ дыдэ зэIущIэм ар щыхуэзащ ди къэралым и командэ нэхъыщхьэм етIуанэу къыщыкIуэ Тихоновэ Татьянэ икIи, ди жагъуэ зэрыхъуащи, абы къыхигъэщIащ. Япэм и лъэр щIимыгъэхуу КъуэщIысокъуэм зызэщIикъуэжри къыкIэлъыкIуэу текIуэныгъищ къихьащ псори 2:0-у – икIи дыжьын медалыр зыIэригъэхьащ.
Иджы КъуэщIысокъуэ Кристинэ зыхуегъэхьэзыр щэкIуэгъуэм Мэзкуу щекIуэкIыну Дунейпсо кубокыр къэхьыным ехьэлIа зэхьэзэхуэм и кIэух зэIущIэхэм.
Спортсменыр егъасэ мас-рестлингымкIэ Урысейм и ныбжьыщIэ командэ къыхэхам и тренер Гъубж БетIал.
 

 

Жыласэ Замир.
  • 20 просмотров
Поделиться: