Псы псалъэм и зэтепщIыпщIэкIэ

КIахэ адыгэбзэм хэтщ, «псы»-р зи лъабжьэ, абы къытепщIыкIа, къэбэрдейхэми гурыIуэгъуафIэ тщыхъуну псалъэхэр. Къапщтэмэ, апхуэдэщ «псыбыбы», «псыкъепэпэх» - псыкъелъэ; «псыгу» - псыку; «псыгъэхъун» - пситIым я зэхуакум ит хъупIэ; «псыкIей» - псы зыдэт тIуащIэ, къуэладжэ; «псыкъуалэ» (шапсыгъ) - псы хьэлыгъуэ, псы кIантIэ; «псылъахъэ», «псыхъырз» - архъуанэ, псым зыщриIуэнтIыхь щIыпIэ; «псылъэукъ» - тафэм зытезыгъэуфафэ, къуэпсыбэу зэбгрыж псы; «псынакIэ» (шапсыгъ) - псынэм къытепщIыкIыжа псы хьэлыгъуэ; «псыутI» - зызымыгъэхъей, и пIэ имыкI псы, «псыхэ» - псы ежэхым и кIэух; «псыIу» - псы Iуфэ; нэгъуэщIхэри.