Нобэ

♦ФIыщIэ щIыным и дунейпсо махуэщ
♦Урысейм и мэзгъэфIэнхэмрэ (заповедникхэмрэ) лъэпкъ паркхэмрэ я махуэщ. 1917 гъэм Урысейм къыщызэрагъэпэщащ япэ мэзгъэфIэныр -Баргузин щIыпIэм (Бурятие) псэущхьэхэр хъумэным хуэщIа къэрал IуэхущIапIэм лэжьэн щыщIидзащ.
♦1569 гъэм дунейпсо тхыдэм щыяпэу Инджылызым лотерей щагъэджэгуащ.
♦1693 гъэм Сицилие хытIыгум (Италие) Этна вулканыр къыщиури, щIыр щыхъеящ. Абы цIыху мин 60-м щIигъу хэкIуэдащ.
♦1909 гъэм цIыхубзхэр япэу автомобилкIэ къызэдэжащ - Нью-Йорк къыщыщIэдзауэ Филадельфием нэс гъуэгуанэр зэпачащ.
♦1935 гъэм КъуэкIыпIэ Жыжьэм щыIэ тенджыз къарухэм зэреджэр хы Хуэм флот жиIэу зэрахъуэкIащ.
♦1943 гъэм Къэбэрдей-Балъкъэрыр нэмыцэ-фашист зэрыпхъуакIуэхэм къыIэщIагъэкIыжащ.
♦1943 гъэм советыдзэхэм Псыхуабэ, Железноводск, Минеральные Воды къалэхэр хуит къащIыжащ.
♦1957 гъэм СССР-м и къэрал Iэтащхьэхэм унафэ къащтащ «Плесецк» космодромыр ухуэным теухуауэ.
♦1960 гъэм СССР-м и Министрхэм я Советым Космонавтхэр щагъэхьэзыр япэ центр къызэгъэпэщыным теухуа унафэ къищтащ.
♦1994 гъэм лэжьэн щIидзащ Урысейм палатитIу (ФедерацэмкIэ Советрэ Къэрал Думэу) зэхэт и ПарламентыщIэм - УФ-м и Федеральнэ Зэхуэсым. Къэралым и хабзэубзыху орган нэхъыщхьэм хэтынухэр цIыхубэм щаубзыхуат 1993 гъэм дыгъэгъазэм и 12-м екIуэкIа хэхыныгъэхэм. 
♦1995 гъэм УФ-м и Къэзыбж Палатэр къызэрагъэпэщащ. Абы и япэ унафэщIу ягъэуващ Къэрмокъуэ Хьэчим.
♦1885 гъэм къалъхуащ урысей этнограф, Кавказ щIыналъэм и тхыдэр джыным елэжьа Косвен Марк.
♦1890 гъэм къалъхуащ адыгей тхакIуэ, драматург, зэдзэкIакIуэ Цей Ибрэхьим.
♦1899 гъэм къалъхуащ пшынауэ Iэзэ, РСФСР-мрэ КъБАССР-мрэ я цIыхубэ артисткэ Къашыргъэ КIурацэ.
♦1925 гъэм къалъхуащ Тхыдэ щIэныгъэхэм я доктор, КъБКъУ-м и профессору щыта, КъБР-м щIэныгъэхэмкIэ щIыхь зиIэ и лэжьакIуэ Медалы Хьэчим.
♦1945 гъэм къалъхуащ совет актёр, УФ-м и цIыхубэ артист Тараторкин Георгий.
♦1972 гъэм къалъхуащ урысей актёр цIэрыIуэ, УФ-м щIыхь зиIэ и артист Хабенский Константин.
♦1972 гъэм къалъхуащ тележурналист, «Хэкум и пащхьэ щиIэ фIыщIэхэм папщIэ» орденым и етIуанэ нагъыщэм и медалыр зрата Малахов Андрей.

Дунейм и щытыкIэнур

«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градуси 7 - 9, жэщым градус 1 - 2 щыхъунущ.

Лъэпкъ Iущыгъэ:
Гъуэмылэпэм еIэзэ, гъуэмылэкIэм езауэ.