Картэ мини 175,5-рэ

2021 гъэм къриубыдэу «Урысейм и Мэкъумэшбанкым» Къэбэрдей-Балъкъэрым щиIэ и къудамэм къыдигъэкIащ зэрыщахуэ картэ мин 12,5-рэ. Илъэс блэкIам ипкъ иткIэ псори зэхэту абы щIыналъэм къыщыдигъэкIа картэхэр мини 175,5-м щIигъуащ.
КъыдагъэкIахэм я процент 35-р – цIыхухэм улахуэ къызэрырат картэщ. Банкым улахуэ тыным ехьэлIауэ IуэхущIапIэ 250-м ядолажьэ, абыхэм я нэхъыбэр бюджетщ.
«Дэ жыджэру IуэхущIапIэхэми цIыхухэми дадолажьэ икIи дыхущIокъу щытыкIэ нэхъыфIхэр абыхэм къахуэдгъэлъэгъуэну. Республикэм щыIэ IуэхущIапIэ куэдым къалъытащ банкым и улахуэ зэрырат проектхэм я фIагъыр икIи я лэжьакIуэхэм я дежкIэ ар зэрынэхъыфIыр къыхагъэщ. Ди къудамэм адэкIи и мурадщ Iуэхутхьэбзэр къэзыгъэсэбэпхэм ягу дыхьэн картэм епха продуктхэр къахуигъэлъэгъуэну», - жиIащ «Урысейм и Мэкъумэшбанкым» Къэбэрдей-Балъкъэрым щиIэ и къудамэм и унафэщI Сокъур Алим.
«Мэкъумэшбанкым» и картэхэр къэбгъэсэбэпыну тыншщ – щIыналъэм и сату-IуэхутхьэбзэщIапIэхэм щыгъэуващ банкомат 34-рэ электрон терминал 16-рэ.