ДУНЕЙМ ЩЫХЪЫБАРХЭР

Нобэ

♦Лышх узыфэм пэщIэтыным и дунейпсо махуэщ

♦Японием щагъэлъапIэ илъэсыщIэр къыщихьэ махуэр - Гъатхэм и махуэр

♦1719 гъэм Пётр Езанэм Iэ щIидзащ Урысейм щыпсэухэр бжыным теухуа унафэм. Нэхъапэм апхуэдэ лэжьыгъэ къэралым щрагъэкIуэкIатэкъым.

1722 гъэм Пётр Езанэм къыдигъэкIащ Урысей империем и дзэхэм, къэрал IуэхущIапIэхэм я Iэтащхьэхэм яхуэгъэза, щхьэж иIыгъ къулыкъум ипкъ иткIэ ахэр зи унафэ щIэтынухэр щыубзыхуа законыр - «Къулыкъухэм ятеухуа табель» жыхуаIэр.

♦1789 гъэм Вашингтон Джордж США-м и япэ президенту хахащ.

♦1931 гъэм Урысейм щыяпэу Курск щаутIыпщащ жьыбгъэм и къарумкIэ лажьэ электростанцыр.

♦1932 гъэм Лейк-Плэсид (США) къыщызэIуахащ III ЩIымахуэ Олимп Джэгухэр. Ахэр екIуэкIащ мазаем и 4 - 15-хэм.

♦1935 гъэм Москва и метром и гъущI гъуэгум япэ мафIэгур ирикIуащ.

♦1945 гъэм щIидзащ Кърым (Ялтэ) конференцым. Абы хэтащ СССР-м, США-м, Инджылызым я къэрал унафэщIхэу Сталин Иосиф, Рузвельт Франклин, Черчилль Уинстон сымэ. Абы щащIа унафэм иубзыхуауэ щытащ Европэр илъэс куэдкIэ зытета геополитикэ щытыкIэр.

♦1976 гъэм Инсбрук (Австрие) къыщызэIуахащ ХII щIымахуэ Олимп джэгухэр. Зэпеуэхэр мазаем и 4 - 15-хэм екIуэкIащ.

♦2004 гъэм «Facebook» сетым, дунейм щынэхъ ин дыдэм, лэжьэн щIидзащ. Ар къызэригъэпэщащ США-м щыщ программист Цукерберг Марк.

♦1881 гъэм къалъхуащ къэрал, дзэ къулыкъущIэ, Совет Союзым и Маршал, Совет Союзым тIэунейрэ и ЛIыхъужь, Социалист Лэжьыгъэм и ЛIыхъужь Ворошилов Климент.

♦1933 гъэм къалъхуащ актёр, режиссёр, РСФСР-м и цIыхубэ артист Кваша Игорь.

♦1932 гъэм къалъхуащ журналист, КъБР-м щэнхабзэмкIэ щIыхь зиIэ и лэжьакIуэ Белгъэрокъуэ Евгение.

♦1939 гъэм къалъхуащ тхакIуэ, зэдзэкIакIуэ, КъБР-м щэнхабзэмкIэ щIыхь зиIэ и лэжьакIуэ Мэлбахъуэ Елберд.

♦1945 гъэм къалъхуащ уэрэджыIакIуэ, композитор цIэрыIуэ, Азербайджаным и цIыхубэ артист, а къэралым щэнхабзэмкIэ и министру щыта Полад Бюль-Бюль оглы.

♦1967 гъэм къалъхуащ СССР-м спортымкIэ щIыхь зиIэ и мастер, Олимп Джэгухэм лъэрыжэкIэ мылым къыщыфэн лIэужьыгъуэмкIэ тIэунейрэ я чемпион хъуа Гриньков Сергей.

Дунейм и щытыкIэнур

«pogoda.yandex.ru» сайтым зэритымкIэ, Налшык уфауэ, пIалъэ-пIалъэкIэрэ къешх-къесу щыщытынущ. Хуабэр махуэм градуси 5 - 6, жэщым 1 градус щыхъунущ.

Лъэпкъ Iущыгъэ:

Бзаджэр унэхъущ, бзаджэм IущIэри унэхъущ.