Дунейм щыхъыбархэр

Нобэ

♦Эстонием и щхьэхуитыныгъэм и махуэщ

♦Мексикэм и къэрал ныпым и махуэщ

♦Кубэм и щхьэхуитыныгъэм папщIэ иригъэкIуэкIа зауэм щIидзащ (1895 гъэм) 

♦1466 гъэм Бельгием и Брюгге къалэм дунейм щыяпэу лотерее щагъэджэгуащ.

♦1881 гъэм Панамэ кIэнауэр ухуэн щIадзащ.

♦1942 гъэм «Америкэм и макъ» радиостанцым и япэ нэтыныр эфирым кIуащ.

♦1973 гъэм ди къэралым и телевиденэм япэу игъэлъэгъуащ «Нэрылъагъухэр - фIэщщIыгъуейхэр» нэтыныр.

♦1744 гъэм къалъхуащ флотым и адмирал, тенджыз ФIыцIэ флотыр къызэзыгъэпэщахэм ящыщ Ушаков Фёдор.

♦1786 гъэм къалъхуащ нэмыцэ филолог, дуней псом цIэрыIуэ щыхъуа таурыхъ телъыджэхэр зэхэзылъхьа зэкъуэшитIым яз Гримм Вильгельм.

♦1895 гъэм къалъхуащ тхакIуэ, драматург цIэрыIуэ Иванов Всеволод.

♦1909 гъэм къалъхуащ шэрджэс тхакIуэ Уэхъутэ Абдулыхь.

♦1915 гъэм къалъхуащ драматург, УФ-м щIыхь зиIэ и артист Щхьэгъэпсо Мухьэмэд.

♦1932 гъэм къалъхуащ совет уэрэджыIакIуэ цIэрыIуэ, РСФСР-м щIыхь зиIэ и артисткэ Кристалинская Майе.

♦1932 гъэм къалъхуащ франджы композитор цIэрыIуэ, дирижёр, уэрэджыIакIуэ Легран Мишель.

♦1942 гъэм къалъхуащ физико-математикэ щIэныгъэхэм я доктор, КъБКъУ-м и профессор, КъБР-м щIэныгъэхэмкIэ щIыхь зиIэ и лэжьакIуэ Алшагъыр Борис.

♦1947 гъэм къалъхуащ актрисэ, РСФСР-м и цIыхубэ артисткэ Соловей Еленэ.

♦1958 гъэм къалъхуащ къэрал лэжьакIуэ, хьэрычэтыщIэ, экономикэ щIэныгъэхэм я доктор Ерчэн Тембулэт.

Дунейм и щытыкIэнур

«pogoda.yandex.ru» сайтым зэритымкIэ, Налшык уфауэ щыщытынущ. Хуабэр махуэм градуси 14 - 15, жэщым градус 5 - 6 щыхъунущ.

Лъэпкъ Iущыгъэ:

Зэзэуэрей адакъитI пшэр хъуркъым.