Ди щIалэхэр Рязань щытокIуэ

4 марта, 2022 - 08:10

Совет Союзым и ЛIыхъужь Полетаев Фёдор и фэеплъу мы махуэхэм екIуэкIащ алыдж-урым бэнэкIэм и «А» классымкIэ 49-нэ урысейпсо зэхьэзэхуэхэр. Рязань къалэм дэт «Академия единоборств» олимп резервыр щагъэхьэзыр спорт школым и спорткомплексым и алэрыбгъухэм зэхьэзэхуэм и саугъэтхэм щыщIэбэнащ Урысей Федерацэм и щIыналъэ куэдым къикIа спортсмени 150-м нэблагъэ.
 Къэбэрдей-Балъкъэрым щыщ бэнакIуэхэм зэфIэкI лъагэхэр къыщагъэлъэгъуащ «Мемориал Полетаева» зэхьэзэхуэм. Килограмм 82-м нэблагъэ зи хьэлъагъхэм я гупым щригъэкIуэкIа зэIущIэ псоми щытекIуэри фэеплъ зэхьэзэхуэм дыщэ медалыр къыщихьащ Тэхъу Ислъам. КъыкIэлъыкIуэу пашэныгъэр иубыдащ икIи зэпеуэм и саугъэт нэхъыщхьэр зыIэригъэхьащ Тен Астемыр.

Къэхъун Бэч.
  • 16 просмотров
Поделиться: