Мылажьэ ягъашхэркъым …Пщыжь гуэрым пхъу дахэ дыдэ иIэт. «Шы дахэмыжэ» жыхуаIэм хуэдэу, дахэ щхьэкIэ, Iуэху ищIэфыртэкъым. ЖьыщIэфыртэкъым, дыжэфыртэкъымпщэфIэфыртэкъым. Пщым ипхъу дахэм псори къылъыхъурт, ауэ, и ныкъусаныгъэр къызэращIэу, кIэбгъу защIырти зыIурагъэхыжырт. ИкIэм-икIэжым, и щхьэ закъуэ и лъакъуитIу псэу щIалэ тхьэмыщкIэжь гуэр щыIэти, ар къыулъыхъуащ. Пщыри егупсысыри «зыми имышэу къыдэнэж нэхърэ нэхъыфIщ» жиIэщ игукIи къритащ. Пщым и пхъум и Iэпэр щIалэжьым иубыдри и унэ къишэри къэкIуэжащ. - Мыдэ къеплъ, узэрыпщэфIэнур мыпхуэдэущ,-жиIэри нысащIэр иригъэплъурэ и лIыр пщэфIащ. ИужькIэ тIури етIысылIэри зэдэшхащ. - Иджы сэ мэз сокIуэ. Уэ упщэфIауэ, си шхыныр хьэзыру, хуабэу сыкърегъэхьэлIэж! - жиIэрилIыр мэз кIуащ. Пщыхьэщхьэм фызым зыри имыщIауэ, унэм шхын дзэкъэгъуэ щIэмылъу кърихьэлIэжащ. ЛIым и Iэщхьэлъащхьэр дрихьейри пщэфIащ, ипщэфIари езырбгъэдэтIысхьэри зы дзэкъэгъуэ къыхуимыгъанэу ишхыжащ. КъыкIэлъыкIуэ пщэдджыжьми, аргуэрыжьти, езыр пщэфIэжри и фызыр къеплъу щысурэ ипщэфIар ишхыжащ. - Мес мо уэщыр къэпщтэнурэ пхъэ пкъутэнущ, ар унэм къэпхьынурэ мафIэ пщIынущ. АбыкIэ упщэфIауэ си шхыныр хьэзыру сыкъэбгъэсыжмэ, тIури детIысылIэнурэ IэфIу дызэдэшхэнущ! – жиIэри езым витIыр щIищIэри мэкъушэ кIуащ. НысащIэр мэжэлIапэ щыхъум, уэщыр къищтэри пхъэ икъутэну къыщIэкIащ. ЕнтIыр гъурыжьым етIыркъыу бгъэдэту и адэр къыдыхьэри унэмкIэ щигъазэм, и пхъур еджащ: - Дотэ, унэм умыкIуэу, япэ щIыкIэ мы пхъэр къутэ. Мыбы мылажьэ ягъашхэркъым, - жиIэри.
Поделиться:
Читать также:
17.04.2024 - 11:45 →
ЕщIэнокъуэхэрэ КIэфыщхэрэ я таурыхъ
05.04.2024 - 12:14 →
Хэхэсхэм я IуэрыIуатэ
05.04.2024 - 10:11 →
Сабий тхылъхэр
25.03.2024 - 16:00 →
Щызэдагъэхъар гъунэншэщ
25.03.2024 - 15:30 →
Си жэнэт
|