Дунейпсо зэхьэзэхуэм медаль 11 къыщахьСуздаль къалэм дэт «Суздаль Арена» спорткомплексым гъатхэпэм и пэщIэдзэм щекIуэкIащ лIэужьыгъуэ псори зыхэт каратэмкIэ дунейпсо щIалэгъуалэ зэхьэзэхуэ. Абы и саугъэтхэм щIэбэнащ зи ныбжьыр илъэс 12 - 17 итхэу Урысей Федерацэм, Къэзэхъстаным, Тыркум, Узбекистаным, Азербайджаным, Осетие Ипщэмрэ Абхъазымрэ щыщ спортсмен щIалэщIэ миным щIигъу. Къэбэрдей-Балъкъэрым щыщ спортсменхэу кумитэ лIэужьыгъуэм хэтахэм Суздаль медаль зэмылIэужьыгъуэ 11 щызыIэрагъэхьащ. КаратэмкIэ дунейпсо зэхьэзэхуэм зыхэта гупхэм къапэлъэщын къахэкIакъым ХъутIэ Беслъэн (кг 57-рэ), Бетрожь Дамир (кг 60), Темрокъуэ Маирбэч (кг 64-рэ), ХьэшкIул Азэмэтрэ Алтуев Аланрэ (тIури кг 65-рэ). Зэпеуэм дыжьын медалхэр къыщахьащ Переясловэ Валерие (кг 57-рэ), Бетрожь Владмири (кг 57-рэ), Бахъсэн Темырлан (кг 65-рэ), Гузиев Ахъмэт (кг 70) сымэ. Аппаев Аскэррэ (кг 51-рэ) Къармокъуэ Русланрэ (кг 64-рэ) дунейпсо зэхьэзэхуэм и домбеякъ медалхэр зыIэрагъэхьащ. Къэбэрдей-Балъкъэрым икIа спортсменхэр ягъаса Майрамуков Къазбэч, Сэбаншы Мурат, Шахмурзаев Щыхьмырзэ, Щоджэн Руслан, Мэкъуауэ Алан, КIэш Дауд, ДыщэкI Мухьэмэд сымэ.
Поделиться:
Читать также:
23.04.2024 - 17:06 →
Гуп зэпеуэм япэ щыхъуащ
23.04.2024 - 15:26 →
Урысейм щынэхъ лъэщхэр
17.04.2024 - 12:56 →
Къапэлъэщын къахэкIакъым
17.04.2024 - 12:54 →
Медалиблым щыщу щыр дыщэу
15.04.2024 - 17:00 →
КIыщ Аслъэнбэч и дыщэхэм къыхегъахъуэ
|