Къэрал зэхьэзэхуэм къыщыхожаныкI

21 марта, 2022 - 09:30

Башкирием и Октябрскэ къалэм дэт спортым и уардэунэм щекIуэкIащ алыдж-урым бэнэкIэмкIэ урысейпсо зэхьэзэхуэ. Къэралым и щIыналъэ 71-м икIауэ абы хэтащ зи ныбжьыр илъэс 16-17-м ит спортсмен 450-м щIигъу.
МахуитIкIэ зэхэта зэхьэзэхуэхэм Къэбэрдей-Балъкъэрым алыдж-урым бэнэкIэмкIэ школым и гъэсэнхэм медалитI щызыIэрагъэхьащ.
Къыщыхах зэпэщIэтыныгъэхэм шэч къызытумыхьэн текIуэныгъэхэр къыщызыхьа килограмм 5I-м нэблагъэ зи хьэлъагъ Лукьяев Руслан финал зэIущIэм къыщефIэкIащ алэрыбгъум и хэгъэрей Марданов Данил икIи дыжьын медалыр къылъысащ.
Финалым и Iыхьэ плIанэм къыщыхагъэщIа Уэртэн Руслан зи хьэлъагъыр килограмм 48-м нэблагъэхэм я финал цIыкIум 9:1-уэ щытекIуащ Тюмень областым къикIа Матаев Роман. Урысейпсо зэхьэзэхуэм и домбеякъ медалыр абы зыIэригъэхьащ.

Къэхъун Бэч.
  • 20 просмотров
Поделиться: