НОБЭ

Лъэпкъ зэхэгъэж зэращIым ебэныным и дунейпсо махуэщ
Усыгъэм и дунейпсо махуэщ
Гуащэ зыщIым и дунейпсо махуэщ
Даун узыфэр зыпкърытхэм я дунейпсо махуэщ
Мэзхэм я дунейпсо махуэщ
Гуащэ театрым и дунейпсо махуэщ
КъуэкIыпIэ Гъунэгъум хыхьэ къэралхэм щагъэлъапIэ Анэм и махуэр
Гъэрэ щIырэ щызэхэкI махуэщ
Куржым и гъунапкъэхъумэхэм я махуэщ
♦1918 гъэм Къэбэрдеймрэ Балъкъэрымрэ Совет властыр щагъэуващ.
♦1935 гъэм Персием и цIэр Иран жиIэу зэрахъуэкIащ.
♦1685 гъэм къалъхуащ нэмыцэ композитор щэджащэ Бах Иоганн Себастьян.
♦1895 гъэм къалъхуащ совет уэрэджыIакIуэ, актёр, эстрадэм и артистхэм ящыщу «СССР-м и цIыхубэ артист» цIэр япэу зыфIаща Утёсов Леонид (и цIэ-унэцIэ дыдэр Лазарь Вайсбейнщ).
♦1910 гъэм къалъхуащ адыгэ тхакIуэ Махъсидэ Залымхъан.
♦1921 гъэм къалъхуащ совет дзэ кхъухьлъатэзехуэ, авиацэм и генерал-лейтенант Сталин Василий Иосиф и къуэр.
♦1940 гъэм къалъхуащ УФ-м щIыхь зиIэ, АР-м и цIыхубэ артисткэ Жанэ Нафисэт.
♦1946 гъэм къалъхуащ Инджылызым щыщ киноактёр цIэрыIуэ, Бонд Джеймс и ролыр нэхъыфIу зыгъэзэщIахэм ящыщу къалъытэ Далтон Тимоти.
♦1950 гъэм къалъхуащ къэрал къулыкъущIэ, дипломат, УФ-м нэгъуэщI къэрал IуэхухэмкIэ и министр Лавров Сергей.
♦1958 гъэм къалъхуащ Абхъаз Республикэм и президент Хаджимбэ Рауль.
♦1960 гъэм къалъхуащ сурэтыщI Iэзэ, Адыгейм щIыхь зиIэ и художник Хъуажь Рэмэзан.
♦1961 гъэм къалъхуащ биологие щIэныгъэхэм я доктор, КъБКъМУ-м и профессор Джатокъуэ Олег.
♦1961 гъэм къалъхуащ нэмыцэ футболист цIэрыIуэ, тренер Iэзэ, дунейми Европэми я чемпион Маттеус Лотар.
♦1980 гъэм къалъхуащ Бразилием щыщ футболист цIэрыIуэ, дунейми къэрал зыбжанэми я чемпион, Кубок зэмылIэужьыгъуэхэр къэзыхьа, «Дыщэ топ», нэгъуэщI саугъэт куэд зыхуагъэфэща, ФИФА-м топджэгу нэхъыфI дыдэу 2004, 2005 гъэхэм къилъыта Рональдиньо.
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Махуэм хуабэр градус I - 2, жэщым щIыIэр градуси 7 - 6 щыхъунущ.
Лъэпкъ Iущыгъэ:
ШхуэмылакIэр зыхуэмыIыгъым шыкIэр еубыд.