Рок-н-роллым и дунейпсо махуэщ
Гъуазджэм, щэнхабзэм я лэжьакIуэхэм защIэзыгъакъуэм, псапащIэм и махуэр Урысейм щагъэлъапIэ
1517 гъэм Каир щаукIащ мамлюкыдзэм и дзэпщ ин Ал-Ашраф Тумэн-бей.
1895 гъэм Урыс Къэрал музейр къызэIуахащ.
1895 гъэм алыдж къалэжь Помпеи, ди эрэм и 79 гъэм Везувий мафIэбгыр къибыргъукIыу зэрыщыту сахуэмрэ пшахъуэмрэ щIигъэнауэ щытам, къыщIэгъэщыжыным, къыщIэтIыкIыжыным хуэунэтIа лэжьыгъэхэр щрагъэкIуэкIым хъугъуэфIыгъуэ куэдыкIей къагъуэтауэ щытащ.
1902 гъэм Урысейм щыяпэу Санкт-Петербург и уэрамым япэ троллейбусыр къыдыхьащ.
1923 гъэм Лондон къыщызэIуахащ «Уэмбли» стадионыр.
1934 гъэм Арктикэм и мылхэм «гъэр» ящIа «Челюскин» кхъухьым исахэр къегъэлыным теухуа лэжьыгъэхэр зэфIэкIащ. Шмидт Отто зи унафэщI экспедицэм хэтахэр зэрыса кхъухьыр хым щIилъафэри, цIыхуи I04-рэ мазитIкIэ мылым тесын хуей хъуат.
1944 гъэм советыдзэм и 51-нэ армэм Кърымым и къалащхьэ Симферополь нэмыцэ-фашист зэрыпхъуакIуэхэм къыIэщIигъэкIыжащ.
1945 гъэм 2-нэ, 3-нэ Украин фронтхэм я дзэхэм Австрием и къалащхьэ Венэ хуит къащIыжащ.
1970 гъэм Атлантикэ хым щыщIилъэфащ Совет Союзым и К-8 атомнэ псыщIагъырыкIуэ кхъухьыр. Абы щыгъуэ цIыху 52-рэ хэкIуэдат.
1883 гъэм къалъхуащ урыс тхакIуэ, усакIуэ Бедный Демьян (и цIэ-унэцIэ дыдэр Придворов Ефимщ).
1883 гъэм къалъхуащ совет композитор, дирижёр, СССР-м и Гимным и макъамэр (иджы УФ-ми ейщ) зытха, СССР-м и цIыхубэ артист, Сталиным и цIэр зезыхьэу щыта саугъэту тIу зрата Александров Александр (и унэцIэ дыдэр Коптеловщ).
1905 гъэм къалъхуащ адыгэ узэщIакIуэ, IуэрыIуатэдж ГъукIэмыхъу Iэбубэчыр.
1955 гъэм къалъхуащ урысей политик, УФ-м и Къэрал Думэм и УнафэщIым и къуэдзэу щыта, экономикэ щIэныгъэхэм я кандидат Хакамадэ Иринэ.
1963 гъэм къалъхуащ урысей шахматист, дунейм и 13-нэ чемпион, политик Каспаров Гарри.
1975 гъэм къалъхуащ урысей фигуристкэ, УФ-м спортымкIэ щIыхь зиIэ и мастер, Олимп чемпионкэ Навкэ Татьянэ.
Дунейм и щытыкIэнур
«pogoda.yandex.ru» сайтым зэритымкIэ, Налшык уфауэ щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градуси 8 – 9, жэщым градуси 4 - 6 щыхъунущ.
Лъэпкъ Iущыгъэ:
Тыншу упсэуну ухуеймэ, умыдыгъуэ, умыфыгъуэ, умынэпсей.
