Гуп нэхъыщхьэр зэхагъэувэНалшык дэт Универсальнэ спорт комплексым щекIуэкIащ самбэмкIэ Кавказ Ищхъэрэ федеральнэ щIыналъэм и зэхьэзэхуэ. Саугъэт нэхъыщхьэхэм щIэбэныну Къэбэрдей-Балъкъэрым и къалащхьэм къыщызэхуэсат КИФЩI-м и щIыналъэ псоми къикIа зи ныбжьыр илъэс 12 - 14, 14 - 16-м ит спортсмен ныбжьыщIэ 500-м нэблагъэ. ЗэпэщIэтыныгъэ гуащIэхэм ди самбистхэм медаль зэмылIэужьыгъуэ I4, абыхэм ящыщу 4-р дыщэу, щызыIэрагъэхьащ. Я хьэлъагърэ я ныбжьрэ елъытауэ зэщхьэщыхауэ щыта гупхэм пашэныгъэр щаубыдащ Хьэлим Ренатэ (кг 34-рэ), Къудей Ислъам (кг 35-рэ), Беслъэней Темырлан (кг 53-рэ), Лэтокъуэ Къантемыр (кг 71-рэ). Дыжьын медалхэр зыIэрагъэхьащ Акимовэ Дарье (кг 34-рэ), Алиевэ Алия (кг 59-рэ), Къаншуей Темырлан (кг 38-рэ), Сонэ Идар (кг 58-рэ), ЖьакIэмыхъу Ренат (кг 71-м щIигъу) сымэ. Зэхьэзэхуэм ещанэ увыпIэхэр къыщахьащ ЩоджэнцIыкIу Темырлан (кг 38-рэ), Жангуразов Амир (кг 50), Сунш Къантемыр (кг 64-рэ), Соблыр Атмир (кг 71-рэ), Тау Астемыр (кг 79-рэ) сымэ. Спортсменхэр ягъасэ Новиковэ Антонинэ, ПщIэнашэ Мурат, Уэщхъун Башир, Махуэ Олег, КъэрэмыщIэ СулътIан, Чым Руслан, Рахманов Валерэ сымэ. Къэбэрдей-Балъкъэрым щекIуэкIа зэхьэзэхуэм кърикIуахэм япкъ иткIэ Урысей Федерацэм и зэпеуэм хэтыну Кавказ Ищхъэрэм и командэ къыхэхар зэхагъэувэнущ.
Поделиться:
Читать также:
23.04.2024 - 20:03 →
Уанэш зэхьэзэхуэшхуэ
23.04.2024 - 17:06 →
Гуп зэпеуэм япэ щыхъуащ
23.04.2024 - 15:26 →
Урысейм щынэхъ лъэщхэр
22.04.2024 - 17:11 →
Доттуев Ахъмэт ягу къагъэкIыж
22.04.2024 - 16:06 →
ЕкIуу зыкъыщагъэлъагъуэ
|