ЦIыхуипщIым IэнатIэ щагъуэтынущ

19 апреля, 2022 - 09:00

Урысей ФСИН-м и Управленэу Къэбэрдей-Балъкъэрым щыIэм и унафэщIым и къуэдзэ Абазэ Аслъэнрэ хьэрычэтыщIэ Абазэхэ Борисрэ иджыблагъэ щызэIущIащ пхъэм щелэжьу Прохладнэ къалэм щыIэ IуэхущIапIэм.
Ахэр тепсэлъыхьащ хабзэм ебэкъуауэ, ауэ тутнакъэщым имысу зи къуаншагъэхэр зыгъэзэкIуэжыну хуит ящIахэм ящыщхэр а IуэхущIапIэм щыгъэлэжьэным теухуа зэгурыIуэныгъэ зэщIылIэным. Абы и фIыгъэкIэ цIыхуипщIым IэнатIэ ягъуэтынущ. Абыхэм ящIынущ пхъэм къыхэщIыкIа тегъэувапIэхэр.
Апхуэдэ зэдэлэжьэкIэр икъукIэ сэбэпщ къуаншагъэ зыIэщIэщIахэр жылагъуэм хэзэгъэжынымкIэ, абыхэм япшынын хуейуэ судым къатрилъхьа щIыхуэхэри зытрагъэкIыжынымкIэ.

ЗЭБАР Мадинэ, КъБР-м щыIэ УФСИН-м и пресс-IэнатIэм и унафэщI.
  • 9 просмотров
Поделиться: