Дунейм щыхъыбархэр

Нобэ
868 гъэм Китайм къыщыдагъэкIащ зэрыбкIэ тедза япэ тхылъыр.
1818 гъэм Урысейм хыхьэу къызэрагъэпэщащ Бессарабие областыр.
1927 гъэм США-м къыщызэрагъэпэщащ киногъуазджэмкIэ академие. Къэралым щытраха фильм нэхъыфIхэм щыджэгуахэми абыхэм елэжьахэми «Оскар» саугъэтыр иратыныр къыхэзылъхьар аращ.
1934 гъэм КъБР-м ПромышленностымкIэ и управленэ къызэрагъэпэщащ.
1939 гъэм Халхин-Гол (Монголие) псым деж IэщэкIэ щызэпэщIэуващ СССР-мрэ Япониемрэ я дзэхэр.
1945 гъэм советыдзэхэм хуит къащIыжащ Чехословакием и щыхьэр Прагэ.
1949 гъэм Израилыр Лъэпкъ Зэкъуэтхэм я Зэгухьэныгъэм (ООН) хыхьащ.
2014 гъэм Донецк ЦIыхубэ Республикэм щекIуэкIащ езыхэм я къэралыгъуэ яIэжыным унафэ щытращIыхьа референдум.
1810 гъэм къалъхуащ урыс сурэтыщI, Петербург художествэхэмкIэ и академием и вице-президенту щыта, Кавказым мызэ-мытIэу щыIа икIи ди щIыналъэм, ди цIыхухэм ятеухуа сурэтхэр зыщIа Гагарин Григорий.
1864 гъэм къалъхуащ Ирландием щыщ тхакIуэ, «Овод» роман цIэрыIуэр зи IэдакъэщIэкI Войнич Этель Лилиан.
1904 гъэм къалъхуащ Испанием щыщ сурэтыщI цIэрыIуэ, тхакIуэ Дали Сальвадор.
1921 гъэм къалъхуащ къэрал лэжьакIуэ, мэкъумэш щIэныгъэхэмкIэ доктор, Социалист Лэжьыгъэм и ЛIыхъужь Евтушенкэ Николай.
1937 гъэм къалъхуащ урысей тхакIуэ, драматург, журналист Левашов Владимир.
1931 гъэм къалъхуащ философие щIэныгъэхэмкIэ доктор, профессор АфэщIыж Марат.
1937 гъэм къалъхуащ куржы кинорежиссёр, актёр, Куржым и цIыхубэ артист Шенгелая Георгий.
1961 гъэм къалъхуащ къэрал къулыкъущIэ, УФ-м къэрал кIуэцI IуэхухэмкIэ и министр, Урысей Федерацэм и полицэм и генерал, юридическэ щIэныгъэхэм я доктор Колокольцев Владимир.
1963 гъэм къалъхуащ урысей продюсер, композитор цIэрыIуэ, усакIуэ Меладзе Константин.
1969 гъэм къалъхуащ КъБР-м и Правительствэм и УнафэщI, республикэм щIыхь зиIэ и экономист Мусуков Алий.
Дунейм и щытыкIэнур
«pogoda.yandex.ru» сайтым зэритымкIэ, Налшык уфауэ щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градуси 9 – I0, жэщым градуси 6 - 7 щыхъунущ.
Лъэпкъ Iущыгъэ:
ЛIыфI и щытхъу кIуэдыркъым.