Дунейм щыхъыбархэрНобэ ♦Химикым и махуэщ ♦Урысей хьэрычэтыщIэм и махуэщ ♦Урысей шууейм и махуэщ ♦Куржым и лъэпкъ махуэшхуэ нэхъыщхьэщ – щхьэхуитыныгъэм и махуэщ ♦Польшэм щагъэлъапIэ Анэм и махуэр ♦1896 гъэм Урысейм и пащтыхь тажыр щхьэратIэгъащ Николай ЕтIуанэм - иужьрей урысей императорым. А Iуэхум и щIыхькIэ медаль щхьэхуи къыдагъэкIауэ щытащ къэрал лIыщхьэм и унафэкIэ. ♦1913 гъэм дунейм щыяпэу Петербург щагъэлъэтащ мотор куэд зытет япэ кхъухьлъатэр - «Русский витязь» зыфIащар. ♦1918 гъэм Кавказ ЩIыб Федерацэр зэхэкIащ Куржы, Армение, Азербайджан республикэ щхьэхуитхэу. ♦1928 гъэм ФИФА-м и зэIущIэм унафэ къыщащтащ илъэсиплI къэс зэ футболымкIэ дунейпсо зэпеуэ егъэкIуэкIыным теухуауэ. ♦1942 гъэм Iэ традзащ совет-инджылыз дзэ зэгурыIуэныгъэм. ♦1945 гъэм СССР-м унафэ къыщащтащ и промышленностыр мамыр псэукIэм зэрытраухуэжыну щIыкIэр щыубзыхуауэ. ♦1947 гъэм цIыхум и хьэкумыр къэралым укIкIэ щащIэну зэрыхуимытым теухуа унафэ СССР-м къыщащтащ. 1950 гъэм а унафэр якъутэжауэ щытащ. ♦1991 гъэм Гамсахурдие Звиад Куржы Республикэм и япэ президенту хахащ. ♦1995 гъэм Къэбэрдей-Балъкъэр къэрал мэкъумэш академиер (КъБКъМА-р) къызэIуахащ. Иджы ар Къэбэрдей-Балъкъэр къэрал мэкъумэш университетщ. ♦1928 гъэм къалъхуащ филологие щIэныгъэхэм я доктор, КъБКъУ-м и профессор Щэрдан Iэбу. ♦1969 гъэм къалъхуащ урысей уэрэджыIакIуэ, УФ-м щIыхь зиIэ и артисткэ Варум Анжеликэ (и цIэ дыдэр Мариещ). Дунейм и щытыкIэнур «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 20 - 21-рэ, жэщым градус 11 - 12 щыхъунущ. Лъэпкъ Iущыгъэ: Хьэ закъуэрэ лIы закъуэрэ уатемыгушхуэ.
Поделиться:
Читать также:
19.04.2024 - 16:23 →
НОБЭ
19.04.2024 - 15:55 →
Ажэгъуэмэ - уэсхэкIыкI - уэсчэсей
18.04.2024 - 16:13 →
НОБЭ
17.04.2024 - 11:48 →
Дунейпсо щIэиным и махуэ
17.04.2024 - 11:43 →
НОБЭ
|