Къэбэрдей-Балъкъэрым щекIуэкIынущ «Rainforest Challenge Russia Caucasus» дунейпсо зэпеуэр

ШыщхьэуIум и 1 - 3-хэм Къэбэрдей-Балъкъэрым щекIуэкIынущ «Rainforest Challenge Russia Caucasus» дунейпсо зэпеуэм хыхьэ Iыхьэр. А зэпеуэр къалъытэ автоспортым хыхьэ зэхьэзэхуэхэу дуней псом щынэхъ гугъу дыдэхэм икIи къуакIэбгыкIэхэм, мэз Iувхэм автомобилхэмкIэ къыщызэдэжэнымкIэ дунейпсо чемпионатым хуагъадэ.
Дуней псом щыцIэрыIуэ зэпеуэм зэхуишэсынущ бгыхэм щызекIуэным хуэщIа автомобилхэр зиIэ цIыхуищэм щIигъу. Я къару еплъыжыну RFC-м къэкIуэнущ Урысейм и щIыналъэ псоми щыщхэр, апхуэдэуи Армением, Белоруссием, Болгарием, Куржым, Италием, Китайм, Латвием, Литвам, Монголием, Польшэм, Чехием, Эстонием я лIыкIуэхэр.
Спортсменхэр къуршхэр, псыежэххэр, зи лъагагъкIэ зэхуэмыдэ щIыпIэхэр зэпаупщIу ирикIуэнущ нэхъ пасэу яубзыхуа гъуэгуанэм, щэнхабзэ, щIыуэпс нэгузегъэужьыпIэхэр зыхэтым.

КъБР-м и Iэтащхьэмрэ Правительствэмрэ я пресс-IуэхущIапIэ.
Поделиться: