КIуэкIуэ Казбек еджэнымкIи спортымкIи ехъулIэныгъэшхуэ зиIэ школакIуэхэм паспортхэр яритащ![]() Къэбэрдей-Балъкъэр Республикэм и Iэтащхьэм и къалэнхэр пIалъэкIэ зыгъэзащIэ КIуэкIуэ Казбек Урысей Федерацэм и цIыхум и паспортыр КъБР-м и Правительствэм и Унэм щаритащ республикэм и школакIуэхэу еджэнымкIэ пашэхэм, апхуэдэу урысей, щIыналъэ олимпиадэхэмрэ спорт зэхьэзэхуэхэмрэ къыщыхэжаныкIахэм. Урысейм и гражданин цIэр щIыхьышхуэщ, абы къыдэкIуэу жэуаплыныгъэ ин зыпылъщ, къыхигъэщхьэхукIащ КIуэкIуэ К. В. Паспортыр, гъащIэм и документ нэхъыщхьэр къыщыватыр техуащ ди къэралым и Закон Нэхъыщхьэр - Урысей Федерацэм и Конституцэр къызэращтэрэ илъэс тIощIрэ тхурэ щрикъум. Абы щыубзыхуащ Урысейм и иджырей къэралыгъуэм и мурад нэхъыщхьэхэр икIи апхуэдэ мурадщ цIыхур, абы и хуитыныгъэхэмрэ щхьэхуитыныгъэмрэ. Нобэ фэращ ди Хэкум и къэкIуэнур. Абы къыхэкIыу, сыт хуэдэ гъуэгу къыхэвмыхми, ди къэралыр фIыуэ флъагъуу фыщыт, нэхъыжьхэм я уэсятыр вгъэзащIэ, фи лэжьыгъэкIэ, фи ехъулIэныгъэхэмкIэ ди республикэр, ди къэрал иныр вгъэбыдэ, абыхэм я ехъулIэныгъэхэр вгъэбагъуэ.
Поделиться:
Читать также:
23.10.2019 - 08:17 →
КъБКъУ-м лъэпкъ Iуэхухэм щытопсэлъыхь
19.12.2018 - 08:00 →
Щхьэхуитыныгъэр жэуаплыныгъэм зэрепхар
16.01.2019 - 08:10 →
Къалэхэр зэIузэпэщ щIыным теухуа зэIущIэ
11.10.2019 - 08:14 →
Зи IэщIагъэм хуэIэижь къегъэлакIуэхэр
30.08.2019 - 08:10 →
Егъэджэныгъэм и купщIэмрэ фIагъымрэ
|