Жылагъуэ

Ингуш Республикэм и Конституцэмрэ Лъэпкъ зэхуэсымрэ (Парламентымрэ) илъэс 30 щрикъу махуэр ягъэлъапIэу иджыблагъэ Назрань къалэм щызэхашащ самбэмкIэ урысейпсо зэхьэзэхуэ зэIуха. Абы кърихьэлIащ Ипщэ, Кавказ Ищхъэрэ федеральнэ округхэм, Донецк Лъэпкъ республикэм я спортсмени 160-м щIигъу, илъэс 13 – 14 ныбжьхэм иту.

Зэманым зехъуэж, лъэхъэнэхэм зызэрадзэкI, цIыхухэм япIэм нэгъуэщI къоувэ… Мы тхыгъэр зытеухуа Сэкрэк Аннэ Нартщауэ и пхъум и дуней тетыкIар, къекIуэкIыкIар, иIа пщIэр сыт хуэдэ лъэхъэни щапхъэу бгъэлъагъуэ хъунущ. 

Иужьрей илъэсхэм республикэм и «ДэIэпыкъуэгъу псынщIэ» IэнатIэм и машинэхэр къанэ щIагъуэ щымыIэу зэрахъуэкIащ. Апхуэдэ автомобилыщIэхэр яIэщ Къэбэрдей-Балъкъэрым и щIыналъэхэм щылажьэ район сымаджэщхэм икIи къуажэ псори зэщIагъэхьэф.

Урысейм и Лъэпкъ банкым и къудамэу Къэбэрдей-Балъкъэрым щыIэм и пресс-IуэхущIапIэм къызэритамкIэ, республикэм инфляцэр зымащIэкIэ щехащ икIи дызэрыт илъэсым и щIышылэм ирихьэлIэу проценти 6,8-рэ хъуащ. Кавказ Ищхъэрэм ику иту щыщыIэ бжыгъэхэм проценти 8,07-рэ къагъэлъагъуэ, къэралым – проценти 7,44-рэ.

УФ-м и Президент Путин Владимир мазаем и пэм «Хэкум и хъумакIуэхэр» фондым и лэжьыгъэр зытещIы­хьахэм зригъэубгъуащ. Иджы абы хузэфIэкIынущ езым  и ахъшэкIэ иджырей мардэхэм тету къыдагъэкI протезхэмкIэ СВО-м хэтахэр къызэригъэпэщыну. Нэхъ ипэкIэ  и къалэну щытар а Iуэхум тещIыхьауэ Урысейм и Социальнэ фондым щыхьэт зэрытехъуэ электрон тхылъыр къыщыдахынымкIэ щIэгъэгъуэн яхуэхъунырт. 

Гъуэгу хозяйствэмкIэ «Кавказ» федеральнэ IуэхущIапIэм къызэрыхилъхьауэ, 2024 гъэм къриубыдэу, Налшык къалэ Идар Темрыкъуэ и цIэр зезыхьэ и уэрамым и машинэ зэб­лэкIыпIэу 4-м щыщу Р-217 «Кавказ» федеральнэ автомобиль зекIуапIэм и 450-нэ километрым къы­щыщIэдзауэ 455-нэм нэсыр къызыхуэтышэу зэрагъэпэщыжынущ. А Iыхьэр хохьэ Налшык и кхъухьлъатэ тедзапIэм хуэзышэм. 

Къэбэрдей-Балъкъэрым и мэкъумэшыщIэхэм хьэцэ­пэ­цэрэ джэш хъурейуэ псори зэхэту иужьрей илъэситхум Iуа­хыжам процент 25-кIэ хэхъуащ. Нэгъабэ и закъуэ гъавэу кърахьэлIэжам хуэдиз зэи къайхъулIакъым - тонн мелуан 1,421-рэ. 2022 гъэм хьэцэпэцэу Iуахыжам нэхърэ ар процент 14-м нэблагъэкIэ нэхъыбэщ.

КъБР-м и Правительствэм щекIуэкIащ егъэджэныгъэм зегъэужьынымкIэ 2030 гъэ пщIондэ ящIапхъэхэмрэ Егъэ­джэныгъэмрэ щIэныгъэмкIэ министерствэм 2023 гъэм къри­убыдэу илэжьахэр къапщытэжынымрэ ятеухуа зэIущIэ. 

2023 гъэм Къэбэрдей-Балъкъэрым ерыскъыхэкIыу къыщыщIагъэкIам и промышленнэ индексыр проценти 100,9-рэ, псыхэкIым - проценти 121-рэ хъуащ. Ап­хуэдэ хъыбархэр иджыблагъэ зэбгригъэхащ Кавказ Ищхъэрэм СтатистикэмкIэ и управленэм.

Республикэм и Наркологие, Психоневрологие диспансерхэр зэхагъэхьэжри, Психиатриемрэ наркологиемкIэ клиникэ центр къызэрагъэпэщащ. IэнатIэм зэрызрагъэужьам цIыхухэр а унэтIыныгъэхэмкIэ зыхуэныкъуэ Iуэхутхьэбзэхэр яхуэщIэнымкIэ щыIэ щытыкIэр иригъэфIэкIуащ.