Жылагъуэ

«Къэрэхьэлъкъыр» зи къежьапIэ

Илъэси 100 ипэкIэ, 1924 гъэм ма­заем и 3-м, дунейм къыте­хьащ нобэрей «Адыгэ пса­-лъэр» къы­зытехъукIыжа «Къэ­рэ­хьэлъкъ» газетым и япэ номе­рыр. 

Налшык щызэIуощIэ

Иджыблагъэ Налшык къалэм щекIуэкIащ Кавказ Ищхъэрэм  хыхьэ щIыналъэхэм лэжьыгъэмкIэ я къэрал инспекцэхэм я унафэщIхэм я зэIущIэ. Ахэр тепсэлъыхьащ КИФЩI-мрэ Къэбэрдей-Балъкъэрымрэ я IуэхущIапIэхэм лэжьапщIэмкIэ ятелъ щIыхуэхэмрэ, ахэр зытегъэкIыжа зэрыхъуну щIыкIэхэмрэ.

Мультфильмхэр

Мультфильмхэр занщIэу тыншу трахакъым, атIэ абы епха ехъулIэныгъэхэр хуэм-хуэмурэ зэтраублащ. Пэжщ, абы тхыдэ иIэщ. Мультфильм техыным къыгуэхыпIэ имыIэу епха анимацэ къыфIэщIыныгъэ жыхуэтIэр япэ дыдэу къигупсысащ Франджым щыщ Рогет Пауль. Ар къыщыхъуар 1828 гъэрщ. Абы папщIэ Рогет къигъэсэбэпащ зы лъэныкъуэмкIэ бзу сурэт, адреймкIэ бзу хъар къыщыгъэлъэгъуа диск. Дискыр ягъэкIэрахъуэрти, мультфильмым еплъхэм къыфIагъэщIырт бзур хъарым ису.

Зэрыдэ машинэр къыщыунэхуар

Япэ зэрыдэ машинэхэр Голландием XIV лIэщIыгъуэм къыщыунэхуауэ къалъытэ. Ахэр шэрхъышхуэ зиIэт, парусхэр щадкIэ къагъэсэбэпу. Ауэ ар къэзыгупсысам и цIи, езы машинэм и теплъи къэнакъым - ику ит лIэщIыгъуэм щыIа цеххэм я лэжьыгъэм и щэхухэр наIуэ къащIыртэкъым. Нэхъ иужьыIуэкIэ апхуэдэ механизм ищIыну иужь ихьащ Леонардэ да Винчи, ауэ эскизым къыщыувыIэжащ.

Экскурсоводхэм я щIэныгъэр къапщытэ

Дунеяплъэхэр, зыгъэпсэхуакIуэхэр щIыпIэхэм щыгъуазэ зыщIу къезышэкI экскурсоводхэмрэ тэрмэшхэмрэ я IэнатIэм зэрыхуэфащэм ехьэлIа къэпщытэныгъэхэр иджыблагъэ Налшык къалэм щрагъэкIуэкIащ. Абы хэтащ а IэнатIэм щылажьэхэу ди республикэм щыщу цIыхуищрэ Ставрополь крайм къикIа зырэ.

Ленинград ягу къагъэкIыжащ

ЕтIуанэ дунейпсо зауэм хуэдэу цIыхушхуэ зыхэкIуэда тхыдэм къыщыхъуауэ зыми ищIэркъым. Лъэпкъхэр къызыхэкIарэ зэрахьэ динкIэ зэхэгъэж ищIу, жьыри щIэри зэхэдз имыIэу игъэкIуэду, хьэкIэкхъуэкIагъэу зэрихьэм гъунэ имыIэу апхуэдэ бийт цIыху цIыкIур зыIууар. А зауэр зылъэмыIэса унагъуэ щIагъуэ щыIэкъым: хэти и Iыхьлы хэкIуэдащ, хэти уIэгъэрэ и нэгу щIэкIа гузэвэгъуэм хэмыкIыжын ныкъуэдыкъуагъэ хихащ. Ауэ цIыхубэр икIуэт жыхуаIэр имыщIэу пэщIэтащ къращIылIа а залымыгъэм, хахуагъэрэ къэмылэнджагъэрэ къигъэлъагъуэу, щалъхуа лъахэмрэ адэжь жьэгумрэ псэемыблэжу ихъумэу. Аращ а зауэр тхыдэм Хэку зауэшхуэкIэ къыщIыхэнари. Бэлыхьлэжьаер зылъэмыIэса жылэ къэмынэжами, къэмылэнджагъэм и нэщэнэт къэралышхуэм и етIуанэ щыхьэру къалъытэ Ленинград нэмыцэ зэрыпхъуакIуэхэм зэрапэщIэта щIыкIэр.

ЩIалэгъуалэр IэщIагъэхэм драгъэхьэх

Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым, хабзэ хъуауэ, илъэсым къриубыдэу зыбжанэрэ къыщызэрагъэпэщ курыт школхэр къэзыуххэр еджапIэ нэхъыщхьэм зыщыхурагъаджэ IэщIагъэхэм щыгъуазэ щыхуащI зэIущIэхэр. Абыхэм я фIыгъэкIэ ныбжьыщIэхэм ящыщ куэдым къыхахыф я гъащIэм IэщIагъэ щахуэхъунур.

Зыхуей хуэзэу зэрагъэпэщыжащ

Ди республикэм щыпсэухэм гу лъатагъэнщ иужь илъэсхэм ди къалэ, къуажэ зыкъомым дохутыр IэнатIэщIэхэр щыухуэным, а щыIэхэр зыхуей хуэзэу зэгъэпэщыжыным теухуауэ лэжьыгъэшхуэ зэрыщекIуэкIым. Ди щIыналъэм и лIыщхьэхэр щIэх-щIэхыурэ макIуэ апхуэдэ ухуэныгъэхэм икIи Iуэхур зэрекIуэкIыр я нэкIэ зрагъэлъагъу. Зэгъэпэщыжыныгъэ лэжьыгъэхэр мы гъэм щызэфIэкIа IэнатIэхэм ящыщ зыщ Налшык дэт 3-нэ поликлиникэр. Гухэхъуэщ абы и кIуэцIым ущIыхьэну: Iэхуитлъэхуитщ, и лъэгухэри, блынхэри, унащхьэри, дэкIуеипIэхэри, пэшхэри лыдыжу, нобэрей зэманым къекIуу зыхуей хуагъэзащ.

ЦIыхубзым зигъэпщыкIурт

Урысей МВД-м и къудамэу Дзэлыкъуэ районым щыIэм уголовнэ къэлъыхъуэныгъэмкIэ и лэжьакIуэхэм 2024 гъэм щIышылэм и 25-м Дзэлыкъуэкъуажэ щаубыдащ нэхъапэм суд зытращIыхьа, илъэс 34-рэ зи ныбжь, Светловодскэ къуажэм щыпсэу цIыхубзыр.
Ар ягъэкъуаншэ и сабийхэр пIыным хуэзэ ахъшэр зэримытымкIэ. ЦIыхубзым суд IэнатIэхэм зэрызащигъэпщкIум къыхэкIыу къэралым къыщалъыхъуэрт.

Жьыхулъатэр къагъэсэбэпу

«Узыншагъэ» лъэпкъ пэхуэщIэм ипкъ иткIэ лажьэ «ЦIыхум ират япэ медико-санитар дэIэпыкъуныгъэм зегъэужьыныр» щIыналъэ пэхуэщIэм хыхьэ Iуэхугъуэу санавиацэмкIэ Iуэхутхьэбзэу ялэжьыну 2023 гъэм къапэщыта къалэнхэр яубзыхуахэм щIигъуу ягъэзэщIащ.

Страницы

Подписка на RSS - Жылагъуэ