Жылагъуэ

«Узыншагъэр хъумэн» лъэпкъ пэхуэщIэм хыхьэ «ЦIыхухэм япэу зызыхуагъазэ медицинэ IуэхущIапIэхэр егъэфIэкIуэн» щIыналъэ программэм ипкъ иткIэ республикэм и щIыналъэхэм я амбулаторэхэмрэ фельдшер-акушер пунктхэмрэ щхьэкIэ «Нива», «Гранта» машинэ псынщIэу 20 иджыблагъэ къащэхуащ.

Жылау Нурбий Хьудин и къуэм школым сыщыщIэса лъэхъэнэхэм къыщыщIэдзауэ егъэджакIуэ IэщIагъэр згъуэтыху и сэбэпу къызэкIар сIуэтэну куэд щIауэ си гум илът. Адыгэ лъэпкъым щIэблэ узыншэ къыщIэхъуэным и Iыхьэ хилъхьэу, псэху имыIэу, а лэжьыгъэ гугъум пэлъэщу абы и гъащIэ псор зэрихьарщ, и щIэныгъэ, и акъыл цIыкIуми инми зэрылъигъэсарщ абы сыщIыщытхъур.

Республикэм и «Налшык» спорт комплексым щекIуэкIащ Урысей Федерацэм Лъэпкъ гвардиемкIэ и дзэу Кавказ Ищхъэрэ округым щыIэм Iэпщэрыбанэ зауэмкIэ и чемпионат. Зэхьэзэхуэхэм хэтащ IуэхущIапIэхэм, дзэ частхэм, оперативно-щIыналъэ зэгухьэныгъэхэм я щIыналъэ управленэхэм я спортсмен нэхъ лъэщхэр. 
Я хьэлъагъ елъытакIэ ахэр гупийуэ гуэшауэ щытащ. Чемпионатым бжьыпэр щиубыдащ Урысей гвардием и управленэу КъБР-м щыIэм и командэм. Дагъыстэн Республикэм и гупыр етIуанэщ, «домбеякъыр» лъысащ Грознэм къикIа командэм. 

Илъэс зыбжанэкIэ узэIэбэкIыжмэ, дуней псор зэщIэзыщтауэ щыта узыфэ зэрыцIалэм къэрал гъунапкъэхэр имыгъэбыдэпами, зэхэзекIуэхэр, загъэпсэхун щхьэусыгъуэкIэ ежьэу хамэ хэкухэм кIуэхэр куэдкIэ нэхъ мащIэ ищIауэ щытащ. Иджыпсту апхуэдэ пэубыдыныгъэхэр щымыIэжми, ди цIыхухэм нэхъ къащтэ хъуащ къэралым и щIыпIэхэм зыщаплъыхьыныр.

I. Лъы мыкIуэу цIыхум и Iэпкълъэпкъым зы щIыпIэ закъуэщ иIэр – и нэщIыIуфэр (роговица глаза). ЦIыхум и нэр щызэтехам деж нэщIыIуфэм хьэуар лъоIэсри, апхуэдэу къыIэрыхьэ кислородым ирокъу, лъынтхуэ емыкIуалIэми.
2. Сабийр мазибл ирикъуху шхэнри бэуэнри зэдахь. ЦIыху балигъым апхуэдэу хуэщIынукъым иужь ихьэми.
3. Псантхуэм ирижэ импульсым зы сыхьэтым километр 274-рэ къызэпеч.
4. Дунейм телефону тетым зэгъусэу япкърыт электроимпульсым нэхърэ нэхъыбэ зы махуэм къегъэщI цIыхум и щхьэ кIуцIым. 

2024 гъэм и япэ махуитIым къриубыдэу Къэбэрдей-Балъкъэрым нартыху жылэу тонни 120-рэ къэралым и щIыналъэхэмрэ хамэ къэралхэмрэ яхуригъэшащ. Апхуэдэ хъыбар иджыблагъэ къитащ «Россельхознадзор»-м и управленэу Кавказ Ищхъэрэм щыIэм. 
Илъэс къэс республикэм къыщрахьэлIэж нартыху жылапхъэу тонн мин 15-м щIигъу, я фIагъкIэ, къызэрагъэсэбэпыну щIыкIэхэмкIэ зэщхьэщыкIыу. Мы гъэм щIыналъэм ираша нартыху жылапхъэм щыщу тонни 100-р Белоруссием ягъэкIуащ, тонн 20-м щIигъур – Свердловск областым хуаутIыпщащ. 

 Илъэсищэ гъуэгур (апхуэдиз къикIуащ «Адыгэ псалъэм»)  гъуэгуанэ кIэщIкъым, абы, дауи, дэгъэзеигъуи егъэзыхыгъуи и мащIэкъым. Ди бзэкIэ къыдэкI а зы газет закъуэм къикIуар сыт хуэдизми, и фащэр нэхъ дахэ хъууэрэ нобэ къызэрысар уримыгуфIэнкIэ Iэмал зимыIэ Iуэхущ. Дауи щIыи, «Адыгэ псалъэ» газетымрэ «Iуащхьэмахуэ», «Нур» журналхэмрэщ ди бзэкIэ республикэм къыщыдэкIыр, тхылъ тедзапIэм дунейм къыщытехьэхэм я  гугъу умыщIмэ.