Жылагъуэ

Къэрал дамыгъэхэр зыхуагъэфэщахэр

ИлъэсыщIэм и пэ къихуэу, КъБР-м и Iэтащхьэ КIуэкIуэ Казбек хуагъэфэща къэрал дамыгъэхэр яритыжащ республикэм исхэм ящыщу зыпэрыт IэнатIэмрэ жылагъуэ гъащIэмрэ къыхэжаныкIа цIыху 42-м.

Гъуэгухэр зыхуей хуагъазэ

Налшык къалэ Щоджэным и цIэр зезыхьэ и уэрамыр зэрагъэпэщыжащ. Ар «КъуэкIыпIэ», «Дубки» микрорайонхэм, республикэ медицинэ IуэхущIапIэхэм ухуэзышэ гъуэгущ. ЩIэрыщIэу зыхуей хуагъэзэжа гъуэгур тхьэмахуэ махуэм къызэIуихыжащ КъБР-м и Iэтащхьэ КIуэкIуэ Казбек.

ЕджапIэр нэхъ ин ящIащ

Тхьэмахуэ кIуам КъБР-м и Iэтащхьэ КIуэкIуэ Казбек щыIащ Прохладнэ къалэм. Республикэ унафэщIым зригъэлъэгъуащ Пушкин Александр и цIэр зезыхьэ 8-нэ школым гуащIыхьа, сабий 560-рэ зыщIэхуэ ухуэныгъэщIэр.
2021 гъэм и дыгъэгъазэм Iэтащхьэр Прохладнэ щыщыIам школым щылажьэхэр къелъэIуат еджапIэр нэхъ ин ящIыну.
Иджы къыгуащIыхьа унэр «Егъэджэныгъэ» лъэпкъ проектым хыхьэу ящIащ, абдеж щыта школыжьыр 1960 гъэхэм яухуат. Иджы курыт еджапIэм и корпуситIри зэщхь дахэу ягъэпсащ.

Тыншу икIи шынагъуэншэу

Арщыдан-Александровскэ щlыналъэ гъуэгум и щытыкlэр дыгъуасэ зригъэлъэгъуащ КъБР-м и lэтащхьэ Кlуэкlуэ Казбек.
Гъуэгур цlыхухэр хуабжьу зыхуэныкъуэщ, сыт щхьэкlэ жыпlэмэ, райониплl – Лэскэн, Аруан, Тэрч, Май – зэпещlэ. Ар машинэ куэд щызэблэкl lыхьэщ.
Щlыналъэхэм щыпсэу цlыхухэр куэдрэ зэрылъэlуам къыхэкlыу, «Гъуэгуфl шынагъуэншэхэр» лъэпкъ проектым хыхьэу зыхуей хуагъэзэну я мурадщ. Лэжьыгъэхэм 2023 гъэм и иужьрей махуэм щlадзащ.

Иджыри зы ЩIалэгъуалэ центр

КъБР-м и lэтащхьэ Кlуэкlуэ Казбек Илъэсыщlэм и пэ къихуэу хэтащ Къалэн куэд щагъэзащlэ щlалэгъуалэ центру Налшык къалэ къыщызэlуахам. Видеозэпыщlэныгъэ lэмалхэр къагъэсэбэпу lуэхум къыхыхьат Къэщкъэтаурэ Налшыкрэ щыlэ щlалэгъуалэ центрхэм къекlуалlэхэр.
Кlуэкlуэ Казбек щlалэгъуалэм ехъуэхъуащ къадэхъуа lуэхуф1ым, Илъэсыщlэм папщlэ.
Къэбэрдей-Балъкъэр Республкэм къыщызэlуаха центрищыр ящlащ «Росмолодежь»-м и «Щlыналъэхэр щlалэгъуалэм папщlэщ» программэм ипкъ иткlэ. Ар зи унафэр Урысей Федерацэм и Президент Путин Владимирщ.

КъБР-м и Iэтащхьэ КIуэкIуэ Казбек республикэм исхэм ИлъэсыщIэмкIэ зэрехъуэхъур

Къэбэрдей-Балъкъэрым и цlыхуу пщlэ зыхуэсщlхэ!
Си лъахэгъу лъапlэхэ!
2023 гъэр иухащ. Ди къэралым дежкlэ ар къызэрыгуэкlыу щытакъым. Ауэ Урысейм игурэ и щхьэрэ зытелъу къызэринэкlащ илъэсым хэта гугъуехьхэр. Абыкlэ фlыщlэр зыбгъэдэлъыр нобэ зауэ губгъуэм итхэрщ, дзэ lуэху хэхам Илъэсыщlэр къыщизыгъэхьахэрщ. Хэкум и хъумакlуэу нобэ дзэ къулыкъум пэрыт дэтхэнэ зыми дрогушхуэ, хуабжьу дахуэарэзыщ икlи я лlыгъэмрэ хахуагъэмрэ папщlэ фlыщlэ яхудощl.

Виктор и хъуэпсапIэ

КъБР-м и lэтащхьэ Кlуэкlуэ Казбек илъэсыщlэ саугъэтыр lэригъэхьэжащ школакlуэ Виктор. Ар Кремлым щагъэува «Хъуэпсапlэхэм я псейм» къыпихат ди республикэм и Унафэщlым.  
Кlуэкlуэм Виктор куэд щlауэ зэхъуапсэ лъакъуэрыгъажэр хуишащ икlи и унагъуэм щlэупщlащ, зыхуей-зыхуэныкъуэхэр зригъэщlащ. Виктор и адэр Украинэм щекlуэкl дзэ lуэху хэхам хэтщ.
lэтащхьэр Прохладнэ къалэм щыщ унагъуэм - Илъэсыщlэмкlэ,  Виктор узыншагъэ быдэ, еджэным ехъулlэныгъэхэр щиlэну ехъуэхъуащ.

ЦIыхугъэншагъэм и щыхьэтщ

КъБР-м и lэтащхьэ Кlуэкlуэ Казбек Белгород областым щыпсэухэм яхуэгузэващ Белгород зэрызэтракъутам щхьэкlэ.
«Дэ псори киев щlэпхъэджащlэхэм зэрахьэ цlыхугъэншагъэм иджыри зэ и щыхьэт дыхъуащ.
Белгород цlыхухэр мамыру щыпсэу и районхэм къеуащ киев террористхэр. Лей зытехьахэм яхэтщ сабийхэри. Цlыхуи 100-м щlигъу уlэгъэ хъуащ.
Къэбэрдей-Балъкъэр Республикэм щыпсэухэм къабгъэдэкlыу хэкlуэдахэм я благъэхэмрэ lыхьлыхэмрэ сахуогузавэ. Уlэгъэ хъуахэм я узыншагъэр щlэх зэфlэувэжыну дахуолъаlуэ», - щетх Кlуэкlуэ Казбек и телеграм-каналым.

Полицэм и лэжьакIуэхэр ягъэгуфIэ

КъБР-м и lэтащхьэ Кlуэкlуэ Казбекрэ КъБР-м къэралкlуэцl lуэхухэмкlэ и министр Павлов Василийрэ полицэм и лэжьакlуэхэм фэтэр lункlыбзэхэр иратыжащ. Унэщlэм щlэтlысхьэжынухэм защыхуигъазэм lэтащхьэм фlыщlэ яхуищlащ Урысейм и Президент Путин Владимиррэ УФ-м и МВД и Унафэщl Колокольцев Владимиррэ, хабзэхъумэ lэнатlэм зиужьыным гулъытэ хэха зэрыхуащlым щхьэкlэ. - Дэ дырищыхьэтщ къэралкlуэцl lуэхухэмкlэ министерствэм и мылъку-техникэ лъабжьэм еужьэрэкlыу зэрызиужьым, автомашинэхэмрэ техникэхэмрэ щэ бжыгъэкlэ къызэращэхум.

НыбжьыщIэ пашэхэм яхуозэ

Илъэсыщlэр къихьэным и пэ къихуэу КъБР-м и lэтащхьэ Кlуэкlуэ Казбек яхуэзащ урысейпсо школ олимпиадэхэм, сабийхэм я зэчийр щагъэлъагъуэ зэпеуэхэм, спорт зэхьэзэхуэхэм щытекlуа ныбжьыщlэхэм. Зэlущlэм кърихьэлlащ КъБР-м и Парламентым и Унафэщl Егоровэ Татьянэ, КъБР-м и Правительствэм и Унафэщl Мусуков Алий, абы и къуэдзэ Хъубий Марат, министрхэр, жылагъуэ лэжьакlуэхэр. Илъэс къэс екlуэкl апхуэдэ зэlущlэм хэтащ волонтерхэр, юнармейцхэр, «Пэрытхэм я зэщlэхъееныгъэм» хэтхэр, еджакlуэ самоуправленэм и пашэхэр, лlыгъэрэ хахуагъэрэ къэзыгъэлъэгъуа сабийхэр.

Страницы

Подписка на RSS - Жылагъуэ