Спорт

Гум имыхуж теплъэгъуэхэр

Футболым дихьэххэр зэрыщыгъуазэщи, мы джэгукIэ дахэм и хэкур Инджылыз къэралыгъуэрщ. Ауэ абы зэман кIэщIым мы дунеишхуэр зэщIищтащ икIи джэгукIэ лIэужьыгъуэхэм бжьыпэр щиубыдащ. Ди Къэбэрдей-Балъкъэр Республикэм и «Спартак» командэ пашэр къыщызэрагъэпэща I935 гъэм хуахь футболыр ди деж къэсу цIыху минипщIхэр щыдихьэхар икIи спортым я щхьэ щыхъуар. Мы гъэм илъэс 65-рэ ирокъу ди командэ пашэр къэрал утыкушхуэм ихьэу, Совет Союзым и зэхьэзэхуэм зэрыхыхьэрэ. Абы ипэкIэ зэпымыууэ зыхэтар ди республикэ кIуэцI зэхьэзэхуэхэрщ.

ХьэщIэхэм дыкъыхагъащIэ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ. Абы хэтащ Краснодар крайм, Ростов областым, Дагъыстэным, Кърымым, Къэбэрдей-Балъкъэрым я командэхэр. 
ГъэщIэгъуэну икIи удэзыхьэхыу екIуэкIа зэпеуэм кърикIуахэр зэхалъхьэжа нэужь япэ увыпIэр иратащ Краснодар крайм, етIуанэр Таганрог къалэм къикIахэм, ещанэр къахьащ Кърымым и регбистхэм. Ди командэр етхуанэ хъуащ. 

Бэждыгъу Аскэр къахожаныкI

Санкт-Петербург къалэм и «Юбилейный» спорт уардэунэм иджыблагъэ щекIуэкIащ а къалэм и губернаторым и Кубокыр дзюдомкIэ къэхьыным хуэунэтIауэ ныбжьыщIэхэм я дунейпсо зэхьэзэхуэр. Абы кърихьэлIащ ди къэралым и щIыналъэхэм ящыщу 57-м, Белоруссием, Туркменистаным, Азербайджаным я спортсмену 800-м щIигъу. Я хьэлъагъ елъытауэ щIалэхэмрэ хъыджэбзхэмрэ гуп 17-у гуэшауэ щытащ.

Дунейпсо зэхьэзэхуэр я плъапIэу

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэхуэ. Абы хэтащ зи щIалэгъуэ спортсмен нэхъ лъэщхэм ящыщу 700-м нэблагъэ.

Каспийск щызохьэзохуэ

  Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм. Ахэр хэтащ КИФЩI-м пашэныгъэр къыщыхьыным хуэунэтIауэ а къалэм щрагъэкIуэкIа зэхьэзэхуэм.

         Къэбэрдей-Балъкъэрым и бэнакIуэхэм медаль зэхуэмыдэу 11 абы кърахащ, ауэ дыщэ медалу зы къыхэкIауэ аращ. Ар къэзыхьар килограмм 55-рэ хъухэм я деж щыбанэ Тэркъан Казбекщ.

         Зэхьэзэхуэм етIуанэ щыхъуащ Хъуп Астемыррэ (кг 63-рэ) Гъубж Аскэррэ (кг I30-рэ).

Ди шабзауэхэр ятокIуэ

Налшык къалэм иджыблагъэ щекIуэкIащ шабзауэхэм я республикэ чемпионатрэ пашэныгъэр къэхьыным хуэунэтIа зэхьэзэхуэрэ. Абы хэтащ Урысей Ипщэм и щIыналъэхэм ящыщу 7-м я спортсмен 70-м щIигъу.

         Къэбэрдей-Балъкъэрым и шабзауэхэм зэхьэзэхуэхэм я зэфIэкIхэр щагъэлъэгъуащ икIи зыхэта гупхэм япэ увыпIэхэр къыщахьащ Рахманкуловэ Даринэ, ДыщэкI Рустам, Кулюшинэхэ Янэрэ Натальерэ сымэ.

Челябинск къалэми зыкъыщрагъэцIыху

Урысейм иджырей пятиборьемкIэ пашэныгъэр къыщыхьыным хуэунэтIауэ гъатхэпэм и 1 - 3-хэм Челябинск къалэм щекIуэкIа зэхьэзэхуэм Къэбэрдей-Балъкъэрым и командэм ещанэ увыпIэр щиубыдащ. Апхуэдэ хъыбар иджыблагъэ къитащ республикэм СпортымкIэ и министерствэм и пресс-IуэхущIапIэм.

IэпщэкIэ зэпекъухэм я зэпеуэм

Урысейм армрестлингымкIэ пашэныгъэр къыщыхьыным теухуа зэхьэзэхуэ иджыблагъэ Орёл къалэм щекIуэкIащ. Абы щызэпеуащ къэралым и щIыналъэхэм ящыщу 48-м я спортсмен ныбжьыщIэу миным нэблагъэ.

Къэбэрдей-Балъкъэрым и щIыхьыр яхъумэу а зэхьэзэхуэм хэтащ Бэрэздж Кимран, Къарэмызэ Къантемыр, Балъкъэр Ибрэхьим, Нэдзырэ Альберт сымэ.

ЛIыхъужьым и щIыхькIэ

Совет Союзым и ЛIыхъужь Яхэгуауэ Михаил и фэеплъу Къэбэрдей-Балъкъэрым картингымкIэ и чемпионат зэIуха иджыблагъэ Нарткъалэ къалэм щекIуэкIащ. Абы щызэпеуащ Ставрополь крайм, Ростов, Волгорад областхэм, Осетие Ищхъэрэ - Аланием, Къэрэшей-Шэрджэсым, ди республикэм я командэхэр.

Гъуэгу махуэ, «Спартак-Налшык»

Урысей Федерацэм футболымкIэ и етIуанэ лигэм и «Б» ­ди­визионым хэт командэхэм 2024 гъэм ирагъэкIуэкIыну зэ­хьэ­зэхуэхэм нобэ щIадзэж. «Спартак-Налшыкым» и япэ зэ­IущIэр Краснодар крайм и Павловскэ щIыналъэм щыщ «Ку­бань Холдинг»-м и деж щы­хьэщIэу ирегъажьэ. 

Страницы

Подписка на RSS - Спорт