|
Спорт
22 января, 2024 - 12:27
Лукашевич Юрийрэ Середкин Вячеславрэ я фэеплъ урысейпсо зэхьэзэхуэ атлетикэ псынщIэмкIэ иджыблагъэ щекIуэкIащ Челябинск къалэм. Абы щызэпеуащ Урысеймрэ Белоруссиемрэ я спортсменхэр.
20 января, 2024 - 14:50
УФ-м Къэрал статистикэмкIэ и управленэм иджыблагъэ къызэритамкIэ, 2023 гъэм и ещанэ мазищым ирихьэлIэу Къэбэрдей-Балъкъэрым и цIыхухэм езым яIэ хэхъуэр нэхъыбэ хъуащ – процент 13,1-кIэ. Ди республикэм абыкIэ къыкIэлъокIуэ Тюмень областыр, Тэтэрстаныр, Камчаткэр – абыхэм щыщыIэ бжыгъэхэр проценти 10 - 12 мэхъу.
20 января, 2024 - 14:33
Къэбэрдей-Балъкъэрым и Правительствэм и телеграм-каналым иджыблагъэ къызэритамкIэ, 2023 гъэм зыуэ щыт къэрал экзаменхэр балли 100-кIэ ятащ республикэм и Налшык къалэм, Тэрч, Шэджэм щIыналъэхэм я курыт еджапIэхэм я гъэсэн зыбжанэм.
16 января, 2024 - 13:02
Налшык къалэм иджыблагъэ щекIуэкIащ КъБР-м алыдж-урым бэнэкIэмкIэ пашэныгъэр къыщыхьэным хуэунэтIа зэхьэзэхуэ. Къэбэрдей-Балъкъэрым СпортымкIэ и министерствэм и пресс-IуэхущIапIэм къызэритамкIэ, абы хэтащ республикэм и щIыналъэхэм къикIа, 2004 - 2006 гъэхэм къалъхуа бэнакIуэу 50-м щIигъу.
16 января, 2024 - 11:06
Къэбэрдей-Балъкъэрым СпортымкIэ и министерствэм и пресс-IуэхущIапIэм къызэритамкIэ, Екатеринбург къалэм и «Луч» спорткомплексым атлетикэ псынщIэмкIэ иджыблагъэ щекIуэкIащ «Рождественские старты» фIэщыгъэр зезыхьэ 33-нэ урысейпсо зэхьэзэхуэр. Ар и фэеплъу щытащ къэрал къулыкъущIэ, спортым зегъэужьыным хэлъхьэныгъэфI хуэзыщIа Яламов Эдуард.
14 января, 2024 - 11:01
Дзюдоистхэр Налшык щызэIуощIэ
Къэбэрдей-Балъкъэрым СпортымкIэ и министерствэм и пресс-IуэхущIапIэм иджыблагъэ къызэритамкIэ, илъэсыщIэм и япэ махуэхэм Налшык къалэм щекIуэкIащ къэралым и щIыналъэхэм я дзюдоистхэм я зэIущIэ. Ар хуэунэтIауэ щытащ спортсменхэм я зэфIэкIхэр къэпщытэным, я Iэзагъым хагъэхъуэн папщIэ зыхуэныкъуэхэм, зэлэжьыпхъэхэм зыщыгъэгъуэзэным.
14 января, 2024 - 09:59
Республикэм щыпсэухэм ящыщу физкультурэмрэ спортым-рэ зыхуэзыгъасэхэм я бжыгъэр 2023 гъэм процент 54-рэ хъуащ.
12 января, 2024 - 13:45
Налшык къалэм и «Гладиатор» спорт комплексым иджыблагъэ щекIуэкIащ самбэмкIэ зэхьэзэхуэ. Ар хуэунэтIауэ щытащ Урысей Федерацэм ШынагъуэншагъэмкIэ и органхэм я лэжьакIуэм и махуэр гъэлъэпIэным. Абы щызэпеуащ къэралым и щIыналъэ 13-м я спортсмен ныбжьыщIэу, илъэс 13-15-хэм къриубыдэу, 120-м щIигъу.
12 января, 2024 - 08:00
Черкесск къалэм иджыблагъэ щекIуэкIащ Къэрэшей-Шэрджэсым и Кубокыр кикбоксингымкIэ къэхьыным теухуа зэхьэзэхуэ. Абы хэтащ Кавказ Ищхъэрэм и щIыналъэхэм я спортсмени 130-м щIигъу.
Къэбэрдей-Балъкъэрым и командэм зэхьэзэхуэм дыщэ медалу 10 къыщихьащ икIи гуп зэпеуэм етIуанэ щыхъуащ.
Я хьэлъагъ елъытауэ зыхэта гупхэм япэ щыхъуащ Абдурахмановэ Дианэ, Борэн Мурат, Къэрэшей Къантемыр, Къубатий Беслъэн, Снежко Вадим, Хьэшкул Инал, Толасов Назир, Толасов Сослъэн, Щтым Тамерлан сымэ.
ЕтIуанэ увыпIэр къахьащ Быхъурэ Iэдэм, Мэртэзей Амир, Хутэ Адэлбий сымэ.
31 декабря, 2023 - 13:03
Къэбэрдей-Балъкъэрым боксымкIэ и чемпионатрэ пашэныгъэр къэхьыным хуэунэтIа зэхьэзэхуэрэ иджыблагъэ Налшык къалэм щекIуэкIащ. Зэпеуэм и медалхэм щIэбэнащ республикэм и спортсмени 100-м щIигъу, гуп 11-у гуэшауэ.
Страницы
|