|
Спорт
12 декабря, 2023 - 14:01
Тхэквондо
Къэбэрдей-Балъкъэрым СпортымкIэ и министерствэм и пресс-IуэхущIапIэм къызэритамкIэ, Налшык къалэм дэт «Гладиатор» спорт комплексым дыгъэгъэзэм и 1- 5-хэм щекIуэкIащ тхэквондомкIэ (ВТФ, Олимп джэгухэм хыхьэ лIэужьыгъуэмкIэ) Iуащхьэмахуэ и Кубокыр къэхьыным хуэунэтIа 22-нэ урысейпсо зэхьэзэхуэр. Абы кърихьэлIащ къэралым и щIыналъэ 20-м я спортсмен ныбжьыщIэрэ щIалэгъуалэу 700-м щIигъу.
7 декабря, 2023 - 14:00
БэнэкIэ хуит
ФIыкIэ зыкърагъэцIыху
Къэбэрдей-Балъкъэрым СпортымкIэ и министерствэм и пресс-IуэхущIапIэм къызэритамкIэ, къэралым и къалащхьэм и «Олимпийская деревня-80» спорт комплексым иджыблагъэ щекIуэкIащ Мэзкуу бэнэкIэ хуитымкIэ и чемпионат. Абы щызэпеуащ къэралым и щIыналъэ зыбжанэм щыщ спортсменхэр.
7 декабря, 2023 - 13:06
Ди зэманым спортым къыхохьэ лIэужьыгъуэ гъэщIэгъуэнхэр. Апхуэдэщ, туфлъэ лъэдакъэ тету бзылъхугъэхэр зэдэжэныр. Уеблэмэ абыкIэ дунейпсо рекордхэри ягъэувыну хунэсахэщ. Лъэдакъэ лъагэ тет бзылъхугъэхэр зохьэзохуэ, а лъэдакъэр спортым зэран хуэмыхъуу къалъытэу. Спорт лIэужьыгъуэм цIыху куэд зыIэпишэну хунэсащ. Апхуэдэ зэдэжэм и хабзэщ сантиметри 7 мынэхъ лъахъшэ лъэдакъэ утетыныр. Языныкъуэ къэралхэм илъэс къэс зэдэжэр зэхаублэ икIи спортсмен щэ бжыгъэхэр хэту ирагъэкIуэкI.
7 декабря, 2023 - 07:30
Азербайджаным и къалащхьэ Баку иджыблагъэ щекIуэкIащ дзэм къулыкъу щызыщIэхэм спорт бэнэкIэ лIэужьыгъуэхэмкIэ я 36-нэ дунейпсо чемпионат. Абы щызэпеуащ къэрал 18-м я спортсмен 200-м щIигъу.
6 декабря, 2023 - 10:09
Краснодар крайм хыхьэ Ейск къалэм иджыблагъэ щекIуэкIащ Ипщэ федеральнэ округым и щIыналъэхэм алыдж-урым бэнэкIэмкIэ я чемпионат. Абы хэтащ Къэбэрдей-Балъкъэрым, Адыгейм, Къалмыкъым, Кърымым, Севастополь, Краснодар крайм, Астрахань, Волгоград, Ростов областхэм я бэнакIуэу 140-м нэблагъэ.
3 декабря, 2023 - 12:27
Мас-рестлинг
Къэбэрдей-Балъкъэрым СпортымкIэ и министерствэм и пресс-IуэхущIапIэм къызэритамкIэ, Урысей Федерацэм мас-рестлингымкIэ пашэныгъэр къыщыхьыным хуэунэтIа зэхьэзэхуэ иджыблагъэ Суздаль къалэм щекIуэкIащ. Я зэфIэкIхэр абы щагъэлъэгъуащ къэралым и щIыналъэхэм ящыщу 22-м я спортсмен 300-м щIигъум.
3 декабря, 2023 - 10:44
БэнэкIэ хуит
Ростов областым и Красный Сулин къалэм щIыналъэхэм бэнэкIэ хуитымкIэ иджыблагъэ щрагъэкIуэкIа зэхьэзэхуэм КъБР-м щыщ Прохладнэ къалэм и «Щхьэмыж» спорт еджапIэм и гъэсэн Тхьэзэплъ Къанщобий дыщэ медаль къыщихьащ.
Ут Руслан и гъэсэным и хьэлъагъ елъытауэ зыхэта гупым щригъэкIуэкIа зэIущIэхэр и хьэрхуэрэгъухэм къафIихьащ, и IэзагъкIэ абыхэм фIыуэ ефIэкIыу.
АЛЫДЖЫКЪУЭ Руслан.
2 декабря, 2023 - 10:44
Хъыбар гуапэ
Налшык къалэм дэт курыт еджапIэ №11-м иджыблагъэ къыщызэIуахащ «Авангард» баскетбол клубыр. Абы и къызэгъэпэщакIуэхэм я мурадщ а спорт лIэужьыгъуэм щIалэгъуалэр драгъэхьэхынымкIэ, я узыншагъэр ягъэбыдэнымкIэ а клубыр къагъэщхьэпэну.
Клубыр къызэIуахащ Налшык къалэ администрацэм ЕгъэджэныгъэмкIэ и департаментым и дэIэпыкъуныгъэ хэлъу икIи абы зыщызыгъэсэнур езы курыт еджапIэм щIэсхэрщ.
29 ноября, 2023 - 12:29
Шахматхэр къытехъукIащ VI лIэщIыгъуэм щыIа «чатуранга» пасэрей индие джэгукIэм. СанскриткIэ абы «дзэ лIэужьыгъуэу плIы» жиIэу къокI, лъэсыдзэр, шууейр, пылхэр, шыгухэр хиубыдэу. Шахматым деж ахэр къыщыгъэлъэгъуащ мыпхуэдэу: лъэс, шы, пыл, ладья. Чатурангэм джэгу хъурт цIыхуиплI. VII лIэщIыгъуэм джэгукIэр Къэжэрым нэсащ, «шатранджкIэ» еджэу. Къэжэрыбзэращ «шахмат» фIэщыгъэри къызытехъукIыжар. Шахмат джэгухэм «шах» жаIэрт, пащтыхь кърагъэкIыу, «шах мат» жаIэрт, «пащтыхьыр IукIащ» жыхуаIэу. IX-X лIэщIыгъуэхэм джэгукIэр Европэм нэсащ. Шахматым и хабзэхэр нэсу щагъэбелджылар XIX лIэщIыгъуэрщ.
29 ноября, 2023 - 10:30
Каратэ
Балигъхэмрэ ветеранхэмрэ киокусинкаймкIэ я дунейпсо чемпионатхэр Къэзахъстаным и Алма-Ата къалэм иджыблагъэ щекIуэкIащ. Абы хэтащ къэрал 35-м я спортсмен 650-м щIигъу.
Страницы
|