Спорт

УвыпIэ нэхъыщхьэхэр яубыд

СтIолыщхьэ теннис
Ростов къалэм щекIуэкIащ стIолыщхьэ теннисымкIэ «Донская ракетка-Триада» зыфIаща зэхьэзэхуэр. Стариков Василий и фэеплъу къызэрагъэпэща зэпеуэм хэтащ Урысейм и щIыналъэ 17-м къикIа спортсмен 300-м нэблагъэ.
Къэбэрдей-Балъкъэрым щыщхэр къыхэжаныкIащ абы - «Кавказские орлы» щIалэ гупым япэ увыпIэр къахьащ. «Дружина» хъыджэбз гупым дыжьын медалыр зыIэрагъэхьащ.

Ещанэ увыпIэр къихьащ

Атлетикэ псынщIэ

Къэбэрдей-Балъкъэрым щыщ Добренский Александр Чувашием атлетикэ псынщIэмкIэ щекIуэкIа урысейпсо зэхьэзэхуэм ехъулIэныгъэ къыщигъэлъэгъуащ. Зэпеуэр къызэрагъэпэщащ Чувашием и япэ олимп чемпион Игнатьев Ардалион и фэеплъу. 
А зэхьэзэхуэм хэтащ УФ-м, Беларусым къикIа спортсмен 300-м нэблагъэ. Диск дзынымкIэ зэпеуэм хэта Добренскэм домбеякъ медалыр къихьащ. Абы метр 56,35-кIэ дискыр идзащ.
Спортсменыр зэхьэзэхуэм хуигъэхьэзыращ Артамонов Артур.

БэнэкIэ хуит

Илъэсищэ зэрырикъуар ягъэлъапIэ

         Къэрал кIуэцI IуэхухэмкIэ министерствэу КъБР-м щыIэм щызэхэтащ  «Динамо» спорт зэгухьэныгъэр илъэсищэ зэрырикъум теухуа гуфIэгъуэ зэIущIэ.

         Абы кърихьэлIат республикэм и хабзэхъумэ IэнатIэхэм я унафэщIхэр, «Динамо» зэгухьэныгъэм и лIыкIуэхэмрэ ветеранхэмрэ.

«Бгыхэм я таурыхъ» зэпеуэр

Налшык дэт универсальнэ спорткомплексым щокIуэкI «Бгыхэм я таурыхъ» зыфIаща, художественнэ гимнастикэмкIэ урысейпсо зэхьэзэхуэр. Апхуэдэ хъыбар къитащ республикэм художественнэ гимнастикэмкIэ и федерацэм и вице-президент Коротковэ Наталье.

Зэхьэзэхуэм щагъэджэгуну саугъэтхэм махуитхум къриубыдэу щIэбэнынущ ди къэралым и щIыналъэ 28-м къикIа бзылъхугъэ 550-м нэблагъэ. Гимнасткэхэм топыр, уэрдыхъур, Iэпэ башыр, лентIыр, кIапсэ елъэр зэрагъэIэрыхуэмкIи нэгъуэщIхэмкIи я зэфIэкIым еплъыжынущ.

Гимнаст цIыкIухэм я зыгъэлъэгъуэныгъэ

Налшык щекIуэкIащ спорт гимнастикэмкIэ сабийхэм я щIыналъэ зэхьэзэхуэ. Ар Олимп джэгухэм дыжьын, домбеякъ медалхэр къыщызыхьа Продуновэ Еленэ и цIэкIэ къызэрагъэпэщат. Зэпеуэм хэтащ ди къэралым и щIыналъэ 26-м къикIа ныбжьыщIэ 400-м нэблагъэ.

А зэхьэзэхуэм Къэбэрдей-Балъкъэрым и спортсмен цIыкIухэм ехъулIэныгъэфI къыщагъэлъэгъуащ. Хабзэ зэхуэмыдэхэм тету утыку къыщихьа КъарэцIыкIу Айшэ, Щад Эвелинэ, Хортиев Эмиль, Цой Дамир сымэ япэ увыпIэр къахьащ.

КИФЩI-м и зэхьэзэхуэ

Ставрополь крайм щекIуэкIащ Кавказ Ищхъэрэ федеральнэ щIыналъэм щыщхэм каратэ-киокушинкаймкIэ я зэхьэзэхуэ. Абы хэтащ щIыналъэм къикIа спортсмен 300-м нэблагъэ.

Къэбэрдей-Балъкъэрым и командэ къыхэхам щыщу, я хьэлъагъ елъытауэ, япэ увыпIэр къахьащ Шыд Ислъам (кг 47-рэ), Бейкъул Имарэ (кг 60), Конторин Роман (кг 40), Хомченкэ Валерэ (кг 37-рэ) сымэ. А зэпеуэм дыжьын медаль къыщихьащ Джатэ Эльдар (кг 55-рэ).

НыбжьыщIэхэр зэхьэзэхуэм хуагъэхьэзыращ Биткашевхэ Давидрэ Емельянрэ.

НАФIЭДЗ Мухьэмэд.

Сабийхэм я зэпеуэ

НыбжьыщIэхэм дзюдомкIэ я  республикэпсо зэхьэзэхуэ Налшык  и «Спартак» стадионым щекIуэкIащ.

Ар къызэрагъэпэщат «Спортыр наркотикым и бийщ» зыфIаща Урысейпсо акцэм ипкъ иткIэ. А зэпеуэм хэтащ 20I4 гъэм къалъхуа сабий 84-рэ.

Япэ увыпIэхэр къахьащ Мэкъуауэ Самир, Амщокъуэ СулътIан, Бегиев Джалил, Башиев Сулеймэн, Урыс Мухьэмэд, Дэрахъэ Дамир, Дэрахъэ Амир, Тау Азэмэт, Геграев Муслъим, Хьэмыкъуэ Марат сымэ.

ЕтIуанэ хъуахэщ Таучэ Саид, Ерокъуэ Имран, МгъуэлI Эмир, Ало Уэсмэн, Щыхъалы Бэчыр, Бжьахъуэ Искандер, Сидакъ Искандер, Смолкэ Артем, Нэгъуей Азнаур, КIыщ Алихъан.

СПОРТ ХЪЫБАРХЭР

Дзюдо

Урысейпсо зэпеуэм домбеякъыу тIу къыщахь

Мэкъуауэгъуэм и 2-3 хэм Новочеркасск и Мыл уардэ унэм щекIуэкIащ дзюдомкIэ XXIII урысейпсо зэхьэзэхуэ. Ар хуэгъэзауэ щытащ СССР-м спортымкIэ и мастер, Новочеркасск къэзакъ округым и атаману щыта, Недвигин Геннадий.

МедалитI къахьащ

Ростов щIыналъэм и Шахты къалэм ныбжьыщIэхэм тхэквондомкIэ я урысейпсо зэхьэзэхуэ щекIуэкIащ. Апхуэдэ хъыбар къитащ КИФЩI-м тхэквондомкIэ и федерацэм и секретарь нэхъыщхьэ Къанкъул Беслъэн.

Абазэ Темболэт и ехъулIэныгъэ

Тэтэрстаным и Альметевск къалэм иджыблагъэ щекIуэкIащ алыдж-урым бэнэкIэмкIэ Урысейпсо зэхьэзэхуэ. Абы хэтащ зи ныбжьыр илъэс 24-м нэмыса щIалэхэр.

Страницы

Подписка на RSS - Спорт