Спорт

         Каспийск къалэм алыдж-урым бэнэкIэмкIэ зэхьэзэхуэ щекIуэкIащ. Ар еплIанэу ирагъэкIуэкIащ Суракат Асиятилов и фэеплъу. Мыбы хэтащ илъэс 21-рэ нэхъ мынэхъыжь спортсмен 200-м нэблагъэ. Урысейм и щIыпIэ зэмылIэужьыгъуэ куэдым къищынэмыщIауэ, Белорусым, Ираным, Къэзахъстаным, Къыргъызым, Армением къикIа бэнакIуэхэри щымэщIакъым.

БодибилдингымкIэ дунейпсо чемпион, КъБР-м физическэ щэнхабзэмрэ спортымкIэ щIыхь зиIэ и лэжьакIуэ Лъагъуэдыгъу Рамзес ящыщщ ерыщу зи хъуэпсапIэхэр зэзыгъэхъулIэну хущIэкъухэм. Дэзыхьэха спорт лIэужьыгъуэм езэши щхьэхи имыщIэу зэрызыхуигъэсарщ ар и лъагапIэхэм нэзыхьэсар.

Мы спорт лIэужьыгъуэмкIэ республикэм нэхъ зэфIэкI щызиIэхэр иджы 13-нэу ягъэбелджылащ.
Джэгугъуэ бгъуэрыбгъуэкIэ зэрыгъэунэхуа иужь, япэ увыпIэр Налшык щыщхэу Елъкъэн Давид, етIуанэр Щыхьмырзэ ФатIимэ къахьащ, ещанэ хъуащ Прохладнэ къалэм къикIа Вулах Валерий.

Минеральные воды къалэм Кавказым и япэ инвестицэ гъэлъэгъуэныгъэ щызэхэтащ. Ар иригъэкIуэкIащ Урысейм и Премьер-министр Мишустин Михаил, къэралым спортымкIэ и министр Матыцин Олеги кърихьэлIэу.

Хабзэ зэрыхъуам тету, Гъатхэмрэ Лэжьыгъэмрэ я махуэшхуэ майм и япэ махуэм шыгъажэхэр Налшык щаублащ. Мыр адрейхэм къащхьэщокI. Мэзкуу и шыгъэжапIэ нэхъыщхьэр къызэрагъэщIэрэщIэжым къыхэкIыу пIалъэкIэ зэхуащIащи, къалащхьэм и шы нэхъыфIхэр ди деж къыщагъэжэнущ. Шэч хэмылъыу, мыбы щызэхэтыну зэхьэзэхуэхэр абы нэхъ гъэщIэгъуэн ищIынущ.

Сочэ къалэм дэтщ Урысей Международнэ олимп университет. Иджыблагъэ абы къыщапщытащ ди къэралымрэ Китаймрэ спорт лIэужьыгъуэхэм зрагъэужьыным теухуауэ я лэжьэкIэр зыхуэдэр.
Ди гуапэу къыхэдгъэщыну дыхуейт къуажэхэм спортым зыщегъэужьыным, ныбжьыщIэрэ щIалэгъуалэу абы нэхъыбэ дегъэхьэхыным и лъэныкъуэкIэ ди республикэм щащIэр щапхъэу къалъытащ, Къэбэрдей-Балъкъэрым спортымкIэ и министр Хьэсанэ И. М. сертификатыр къратащ.

Урысей Федерацэм футболымкIэ и етIуанэ лигэм и Япэ гупым щекIуэкI зэхьэ­зэхуэм ипкъ иткIэ дыгъуасэ Псыхуабэ щызэхэта зэ­IущIэм апхуэдэ бжыгъэ къри­кIуащ. Ди щIалэхэм ящыщу топхэр дагъэкIащ Топурие Тэмазрэ Хьэшыр Аланрэ.
Джэгур зэрекIуэкIамрэ абы иужькIэ турнир таблицэм игъуэта теплъэмрэ ятеухуа тхыгъэ ди газетым тетынущ. 

Адыгэ республикэм зи хэщIапIэр щыIэ, щIыналъэ зыбжанэ щызэдэлажьэ «Шыу Хасэм» хъыбарегъащIэ гуапэ зэбгритыкIащ. Зэгухьэныгъэр къэралым и нэIэ щIэт IуэхущIапIэ ящIащ.

«ММА»-кIэ зэджэ бэнэкIэ зэмылIэужьыгъуэхэмкIэ зэкIэлъыпыту  13-рэ щытекIуащ Мырзэкъан Азэмэт. 
Зэи къыхамыгъэщIа ди щIалэ хъыжьэр Америкэм и Штат Зэгуэтхэм я спортсмен Джейкоби Дастинэ текIуащ и Iэ сэмэгур етIуанэ раундым зэрикъутэжауэ. «Сэ срогуфIэ икIи срогушхуэ си ехъулIэныгъэхэм. СыволъэIу нэхъ бэнакIуэ лъэрызехьэ къыспэщIэвгъэувэну»,- жиIащ Азэмэт зэхьэзэхуэр  къызэзыгъэпэщхэм захуигъазэу.

 Чемпион цIэм щIэбэнынухэр

«Спартак-Налшык» (Налшык) - «Форте» (Таганрог) - 1:1 (0:0). Налшык. «Спартак» стадион. Мэлы­жьы­хьым и 22-м. ЦIыхуи 150-рэ еплъащ.