Календарь событий

КъБР-м къыщызэрагъэпэщащ тонн мини 150-рэ зыщIэхуэну хъумапIэ. 2016 гъэм республикэм и хъумапIэхэм щIэхуэну щытар зэрыхъур тон 88,5- рэ къудейт, нэгъуэщIу жыпIэнумэ, иужьрей илъэситхум къриубыдэу ар процент 70-кIэ нэхъыбэ хъуащ.

Мы гъэми тонн мин 17-м нэблагъэ зыщIэхуэну хъумапIэщIэ ягъэхьэзырыну я мурадщ.

Бахъсэн къалэм щэнхабзэмкIэ и паркым къыщызэIуахащ Социалист Лэжьыгъэм и ЛIыхъужь Бгъэжьнокъуэ Хьэчимрэ Хьэжмэт Хьэсэнрэ я фэеплъхэр. Фигу къэдгъэкIыжынщи, мы гъэм бадзэуэгъуэм и 12-м мыбы щагъэуващ Совет Союзым и ЛIыхъужь Левченкэ Василийрэ Социалист Лэжьыгъэм и ЛIыхъужь Щауэ Ахьедрэ я фэеплъхэр.

Къэралымрэ жылагъуэ гъащIэмрэ я узэщIакIуэ Бгъэжьнокъуэ Хьэчим Зеикъуэ къыщалъхуащ, Хэку зауэшхуэм и лъэхъэнэм партизан зэщIэхъееныгъэхэм лIыгъэ щызэрихьащ.

Бахъсэн щIыналъэм мэкъумэш хозяйствэмкIэ и управленэм хъыбар къызэрыдигъэщIамкIэ, мы илъэсыр мэкъумэшыщIэхэм яхуэIеякъым. Бжьыхьэм и зэхуэдитIыр уэтIпсытIу щыта пэтми, гъавэр кIэрыхуншэу кърахьэлIэжащ. Иджыпсту абы хащыкIыпхъэр хащыкI, ягъэтIылъыпхъэр гъавэ хъумапIэхэм ирашалIэ.

Мы гъэм сэхурану гектар мини 3,5-м щIигъу яIащ икIи ар кIэрыхуншэу кърахьэлIэжащ. Псом хуэмыдэу сэхураныр бэв яхуэхъуащ Ислъэмей, Бахъсэненкэ жылагъуэхэм я бэджэндырылажьэхэм.

Ди лъэпкъым сытым дежи къыдекIуэкI хабзэ дахэм къыдэкIуэу, езыхэм я хьэл-щэн, дуней еплъыкIэ, акъыл жан яIэу щытащ. Дунейм и къэхъугъэ зэхуэмыдэхэм набдзэгубдзаплъэу кIэлъыплъырти, къызыхэкIамрэ къызэрыщхьэпэнымрэ акъыл хэлъу зэхагъэкIыфырт.

СурэтыщI-модельер, дизайнер, Адыгейм щэнхабзэмкIэ щIыхь зиIэ и лэжьакIуэ, Адыгэ Республикэм и Къэрал саугъэтыр зыхуагъэфэща, «Лиги мира» республикэ жылагъуэ зэгухьэныгъэм и саугъэтыр зрата СтIащ Юрэ Мэхьмуд и къуэм и ныбжьыр мы махуэхэм илъэс 90 ирикъуащ.

Нобэ

♦Гум и дунейпсо махуэщ

♦ТхьэкIумэ, пэ, тэмакъ узыфэхэр зэуэлIахэр зыгъэхъуж дохутырым и махуэщ

♦ 1650 гъэм дунейм щыяпэу Лондон къыщызэIуахащ нэчыхь щатх IуэхущIапIэ.

Iуащхьэмахуэ и щыгум хуэкIуэу бгым дэкIрэ пэт дунейр къызэIыхьэу гужьеигъуэ хэхуа альпинистхэм медицинэ дэIэпыкъуныгъэхэр щагъуэт Республикэ клиникэ сымаджэщым. Абыхэм я деж щыIащ КъБР-м узыншагъэр хъумэнымкIэ и министр Къалэбатэ Рустам.

Сымаджэщым щIэлъщ зи Iэпкълъэпкъыр щIыIэм зэщIиIулIа альпинист 11. Абыхэм щыщу тIур - КъШР-м щыщ гъуэгугъэлъагъуэмрэ Санкт-Петербург къикIа туристымрэ - реанимацэм щыIэщ. Дохутырхэм зэрыжаIэмкIэ, гъуэгугъэлъагъуэ щIалэр махуэ зыбжанэкIэ палатэм ягъэкIуэжынущ, къэралым и ищхъэрэ къалащхьэм къикIа хьэщIэм и лъакъуэр операцэ ящIащ.

«Къалэхэм телъыджэу дэлъымрэ дунейм зыщыплъыхьыным гъуэзэджэу хэлъымрэ зи щIасэхэм папщIэ тыгъэ», - аращ и цIэр щIы хъурейм зыщиплъыхьу и нэгу щIэкIахэр къалэмкIэ къэзыIуэтэжа дунеяплъэ цIэрыIуэ Ибн БэтIутIэ и тхылъым.