|
Календарь событий
16 июня 2022
16 июня, 2022 - 19:30
Къэбэрдей-Балъкъэрым и къэралыгъуэр илъэси I00 зэрырикъум и щIыхькIэ, мы гъэм и шыщхьэуIум Урысейм и щIыналъэхэм щыщ альпинисти I00 Iуащхьэмахуэ дэкIынущ, «Эльбрусиада-I022» проектым хыхьэу. Ар къызэригъэпэщащ Урысейм альпинизмымкIэ и Федерацэм, КъБР-м и Правительствэр и дэIэпыкъуэгъуу.
Бгым дэкIыну альпинистхэр къыхахынущ ахэр Iуэхум зэрыхуэхьэзырыр тещIыхьауэ. КъищынэмыщIауэ, абыхэм медицинэ тхылъ къыIахынущ, спортым хэтыну хуит зэращIым теухуауэ.
16 июня, 2022 - 17:55
Iуэтэж
Илъэсым щIигъукIэ сымаджэщым щIэлъауэ Лейла цIыкIу къыщIашыжащи, и шыпхъу нэхъыжь Мадинэ мы дуней гуфIэгъуэр иIэщ. ЦIыкIуми инми яхуэмыувыIэжу, и IитIыр бгъэ дамэу шэщIауэ, и шыпхъур къелъэтыхь, ари щIэвууэжу.
16 июня, 2022 - 16:33
КIарэ Галинэ «Экология - жизнь» щIыналъэ зэхуаку жылагъуэ зэщIэхъееныгъэм и унафэщIым и къуэдзэщ. Бзылъхугъэр ирагъэкIуэкI лэжьыгъэр зыхуэдэм тедгъэпсэлъыхьащи, ди гуапэу фыщыдогъэгъуазэ къыджиIам.
16 июня, 2022 - 16:01
ХьэрычэтыщIэ гуэрым и тыкуэным щIыхьаIауэ, бжэм тетым къоджэ: «ШыщхьэуIум и 27-рей махуэм дунейм и щытыкIэнум и щхьэусыгъуэкIэ тыкуэныр лэжьэнукъым». Абы къеджа лIым егъэщIагъуэ ар икIи щIоупщIэ:
16 июня, 2022 - 15:54
Фэилъхьэгъуэхэр, цIыхубзхэм зэрызагъэщIэращIэ хьэпшыпхэр къэзыгупсысхэм хуэдэ дыдэу, ди зэманым щIэупщIэшхуэ яIэщ пэшкIуэцIхэр зыгъэдахэхэми. А псоми я лэжьыгъэр къызэщIэзубыдэ дизайнер IэщIагъэрщ Хъуран Лианэ илъэси 8 хъуауэ зи яужь итыр. А Iуэхум зэрыдихьэхам, щIэныгъэ зэрызригъэгъуэтам, япэу къехъулIа лэжьыгъэм, нэгъуэщIхэми хъыджэбзыр къытхутепсэлъыхьащи, ди гуапэу фыщыдогъэгъуазэ.
16 июня, 2022 - 14:41
«ГъэрыпIэ зэрихуар къыфIэмыIуэхуу,
Бгырысхэм я щэнхабзэм ар кIэлъыплъырт…», - Пушкин Александр.
Адыгэхэр сыт хуэдизу зэпIэзэрыту, хьэлкIэ зэтеубыдарэ, ткIийуэ щымытами, хуабагъэшхуэ яхэлъу сабийхэм ящхьэщытт. Сабийм, хэхъуэм ехьэлIауэ щыIа хабзэхэм уриплъэжмэ, къыбгурыIуэнущ ар.
Псом япэрауэ, сабийр дунейм къызэрытехьэу, анэм и пыIэр щхьэрихыжырти, IэлъэщI зэтрилъхьэрт. Абы къигъэлъагъуэрт нысащIэр унагъуэм щыщ нэрыбгэ зэрыхъуар.
Сабийр къызэралъхурэ тхьэмахуитI щрикъу махуэм техуэу гущэхэпхэ ящIырт.
16 июня, 2022 - 13:44
ЕгъэджакIуэ, дохутыр, щIэныгъэлI телъыджэу щыта Iэщнокъуэ Исуф Хьэсэн и къуэр 1937 гъэм мэлыжьыхьым и 25-м Старэ Урыху къуажэм къыщалъхуащ. I960 гъэм Дагъыстэн къэрал медицинэ институтыр къиуха нэужь, Iуащхьэмахуэ районым щыIэ Гундэлэн участкэ сымаджэщым и дохутыр нэхъыщхьэу илъэсищкIэ лэжьащ.
Iэщнокъуэм къызэгъэпэщакIуэ Iэзагъ зэрыхэлъыр и щIалэгъуэм наIуэ къэхъуат. Терапие, хирургие, уз зэрыцIалэхэм щеIэзэ къудамэхэм папщIэ ухуэныгъэщIэхэр, сымаджэщым и лэжьакIуэхэм щхьэкIэ къатитIу зытет унэ зэрыхуэныкъуэр пхигъэкIыфат абы.
16 июня, 2022 - 13:00
Шурдым Миланэ зэрысабийрэ творчествэм пыщIащ: сурэт щIын жыпIэми, тхыпхъэщIыпхъэхэр хэдыкIынрами. Къапщтэмэ, ар анэм и лъагъуэщ зрикIуэр. Шурдым (Къанкъул) Лейлэ езыр дэрбзэрщ, и ныбжьыр илъэсипщI щыхъуам къыщыщIэдзауэ мадэ, хедыкI.
16 июня, 2022 - 12:28
УФ-м и Къэрал Думэм Промышленностымрэ сату хуэIухуэщIэхэмкIэ и комитетым и КъэпщытакIуэ гупым иджыблагъэ иригъэкIуэкIа зэIущIэм хэтащ КъБКъУ-м щIэныгъэ-къэхутэныгъэ лэжьыгъэмкIэ и проректор Хьэшыр Светланэ.
16 июня, 2022 - 12:28
Къуажэ пхыдзам къулеижь гуэр щыпсэурт. ЗэраIуэтэжымкIэ, и беягъым хуэдиз и нэпсеягът абы. Къулеижьым бжэн хъушэрэ мэл гуартэрэ иIэт, ауэ лIыр апхуэдизкIэ нэпсейти, а хъушэшхуэр игъэхъуну зы Iэхъуэ фIэкIа къищтэртэкъым. Фибл ятрихырт абы и деж щылэжьэну тегушхуэхэм. Ауэ IэхъупщIэр яритын хуей зэрыхъуу, Iэхъуэм дагъуэ гуэрхэр къыхуигупсысырт, и хъушэм дахэ-дахэу кIэлъымыплъыурэ хигъэщIаIауэ жиIэрти, Iэ нэщIу ирихужьэжырт.
16 июня, 2022 - 10:35
Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым и лIыкIуэхэр «ЕджапIэ нэхъыщхьэм и къэкIуэнур» зи фIэщыгъэ, щIэныгъэ нэхъыщхьэ щрагъэгъуэт IуэхущIапIэхэм я X зэхуэсым и лэжьыгъэм иджыблагъэ хэтащ.
16 июня, 2022 - 10:35
Таксистым мелуанырыбжэ гуэр и унэм къишэжати, щIимыгъуIауэ и уасэ дыдэр къыпибжыкIри иритащ.
-Дыгъуасэ уи къуэр къыщысшэжам доллари I00 къызитащ, шей уаси къыщIигъужащ, уеблэмэ. Уэ къыпыбобжыкI… - жиIащ таксим дэсым.
-Сыт тIэ уи гугъар?! Абы и адэр мелуанырыбжэщ, сэ сызеиншэщ.
16 июня, 2022 - 09:29
Нобэ
Африкэ Ипщэм щыщ лъэпкъхэу зи щхьэхуитыныгъэм щIэбэнхэр дэIыгъыным и дунейпсо махуэщ
Африкэм щыщ сабийм и дунейпсо махуэщ
ЮАР-м щагъэлъапIэ ЩIалэгъуалэм я махуэр
1822 гъэм Санкт-Петербург къыщызэIуахащ циркым папщIэ яухуа япэ унэр.
1894 гъэм Пьер де Кубертен и жэрдэмкIэ зэхуашэсащ Олимп джэгухэр къэублэжыным унафэ тещIыхьыным теухуа конгресс.
|