Календарь событий

31 августа 2022

Я къару псори ирахьэлIэнущ

Мы махуэхэм Къэбэрдей-Балъкъэрым щы­хьэщIащ Урысей Федерацэм спортымкIэ щIыхь зиIэ и мастер, алыдж-урым бэнэкIэмкIэ тIэунейрэ олимп чемпион, щэнейрэ дуней псом щытекIуа, Европэм плIэнейрэ и чемпион Власов Роман. Абы лэжьыгъэ IуэхукIэ зэIущIэ дригъэкIуэкIащ ­КъБР-м и Iэтащхьэ КIуэкIуэ Казбек. Власовыр ди республикэм къэкIуащ 2016 гъэм екIуэкIа Олимп джэгухэм къыщыхэжаныкIа ди лъэпкъэгъу Джэду Iэниуар и гъусэу алыдж-урым, бэнэкIэ хуитхэмкIэ мастер-класс ягъэлъэ­гъуэну. ЗэIущIэм хэтащ КъБР-м спортымкIэ и министр Хьэсанэ Ислъам.

Япэ олимп дыщэр къытхуэзыхьар

Илъэс щэ ныкъуэ ипэкIэ, 1972 гъэм шыщхьэуIу мазэм и 29-нэ махуэм, Германием и Мюнхен къалэм щекIуэкIа ХХ Гъэмахуэ Олимп джэгухэм лъакъуэрыгъажэ спорт лIэужьыгъуэмкIэ дыщэ медаль къыщихьа Шыхъуэ Борис. Хэкужьым щыпсэу адыгэхэм я дежкIэ ар япэ апхуэдэ текIуэныгъэ инт.

Илъэсищэ

Зауэ нэужь лъэхъэнэм гъащIэм и лъэныкъуэ псомкIи республикэм жыджэру зиужьащ. ПIалъэ кIэщIым къриубыдэу мэкъумэшхэкIыу кърахьэлIэр 1941 гъэм къалэжьу щытам щIигъуащ, промышленностым зэхъуэкIыныгъэфIхэр къыщыхъуащ.

ЛIэщIыгъуэ гъуэгуанэ

БлэкIар и гъуазэрэ къэкIуэнур и плъапIэу псэу Къэбэрдей-Балъкъэрым и цIыхубэм я къулеигъэ нэхъыщхьэр илъэсищэ гъуэгуанэ къызэзынэкIа и хэку дахэрщ. ИIэ фIыр игъэбагъуэрэ зыхуэныкъуэр зэригъэпэщу зы лIэщIыгъуэкIэ къэгъуэгурыкIуа республикэм тхыдэ къулей икIи гъэщIэгъуэн иIэщ. ЛъэхъэнэкIэ зэпыбудми, илъэс бжыгъэкIэ къэппщытэжми, фIым хуэмыпабгъэу, зыужьыныгъэм и лъагъуэм темыту зы махуи къыхуихуакъым. Пэжщ, куэд ягъэващ ди япэ итахэм, лъэпощхьэпо мымащIи къызэранэкIащ, иджы псэу дэри ди нэгу щIэкIа теплъэгъуэ шынагъуэхэр ди зэманым къыщыхъуащ.

ГъащIэ къегъэлъагъуэ, зыгуэрхэми закърегъэцIыхуж

Театрым «сыкъыщыхъуащ». Москва дэт ГИТИС-р 1958 гъэм къэзыухыу, Къэбэрдей-Балъкъэрым къэкIуэжахэм си адэ Николаи яхэтт. Мысостышхуэ Пщызэбий, Сокъур ХьэмщIасэ, Къардэн Борис сымэ, нэгъуэщIхэми зы гупу театр гъуазджэр ягъэкIуатэрт.

Лъэпкъ пэхуэщIэхэр мэлажьэ

«Демографие» лъэпкъ пэхуэщIэм (проектым) ипкъ иткIэ, Бахъсэн щIыналъэм илъэсищым къриубыдэу сабий нэхъ цIыкIу дыдэхэр щагъэсэн икIи зыщраужьын IуэхущIапIэ унитху щаухуащ. Зи ныбжьыр мазитIым итхэм къыщыщIэдзауэ илъэсищым ихьахэм щыщIэкIыжу щаIыгъыну унэхэр ухуэныгъэм и иджырей мардэхэм тету ягъэпсащ, цIыкIухэр зыхуэныкъуэну Iэмэпсымэхэмрэ хьэпшыпхэмкIэ къызэрагъэпэщащ.

2020 гъэм и щIэдзапIэхэм деж сабий 40 зыщIэхуэн унапIэ Ислъэмей къуажэм дэт курыт еджапIэ №4-м къыгуащIыхьащ.

Лъэужь дахэ гъащIэм къыщызына

Республикэм и медицинэ  IэнатIэм и зыужьыныгъэм езэш имыIэу хуэлэжьащ сабий хирургыу, эндоскопист цIэрыIуэу щыта Елъчэпар Хьэсэн. И пщэ къралъхьэ сыт хуэдэ лэжьыгъэри нэгъэсауэ зэфIигъэкIырт, медицинэм щIэуэ къыхыхьэ  Iэмалхэр япэу къэзыгъэсэбэпхэм ящыщт, зыхэт гупым чэнджэщкIи  IуэхукIи дэIэпыкъуэгъу яхуэхъуфырт. «Сыт хуэдэ лъэIукIи зыхуэгъазэ, ар абы хузэфIэкIыххэнумэ, зэи укъигъэщIэхъунутэкъым, унэм щыIэу, ар жэщуи махуэуи щрырет, «сымаджэщым укъэмысу хъунукъым» жаIэу псэлъауэ, абы «хьэуэ» къыщыхигъэкIа къэхъуакъым», - жаIэ Хьэсэн дэлэжьахэм.

ДУНЕЙМ ЩЫХЪЫБАРХЭР

Нобэ

♦Блогым и дунейпсо махуэщ

♦Узбекистаным щыщу политикэ залымыгъэ кIэлъызэрахьэу ягъэкIуэдахэм я фэеплъ махуэщ

♦Къыргъызстаным и щхьэхуитыныгъэм и махуэщ. 1991 гъэм абы теухуа унафэ къищтащ Къыргъыз Республикэм и Совет нэхъыщхьэм.

♦Молдовэм щагъэлъапIэ я анэдэлъхубзэм и махуэр. 1989 гъэм молдаванхэм я бзэр латин тхыкIэм техьащ икIи ар къэралыбзэу а щIыналъэм щагъэуващ.